Malaysia, PJ sungah mawtawhawl khat ii agitlohdan Viral Video

Malaysia, PJ sungah mawtawhawl khat ii agitlohdan Viral Video

Malaysia, Petaling Jaya sungah Thursday nitaklam in mawtawhawl khat ii agitlohzia akimuthei Video khat Social Media ah ki thehzakgawp hi. Tua mawtawhawl khatpa ii gamtatna pen gitloh zawhthawh gamtatna “Road Bully” kici hi.

Buaina apianna munpen Jalan PJU5/10 sung aom One-way lamneu khattung ah hi a, Thursday nitaklam 10:57pm hunpawl in thupiang ahihi. Tua buaina apianlaitak agei ah amukha te’n Video zaihkha uh a, tua Video te Social Media tungah aki thehzak, Viral Video asuak ahihi.

Tua Video sungah Mercedes Benz mawtaw avomkhat One-way lampi tungah lehlut mawk hi. Tua Mercedes Benz pen lampi akhial himahleh kileh kikding cih omlo in, amailian ah akituahpih Perodua Bezza tawh ki bingphut sawmmawk hi. Mercedes Benz akhialzaw hinapi in, amah lampi aki otding lunggulh in amaimei bang kapsakgawp hi.

Perodua Bezza pen anungkinsawm hangin One-way lampineu khat himawk ahih manin, anungah mawtaw tampi kigual deudau a, nunkin theinawnlo hi. Tuabangin anunkinsak lohciangin amai panin Mercedes Benz in phusuksak a, Perodua Bezza ii Bumper teng taihsak hi.

Video: Mercedes Benz road bully creates havoc in PJ; video goes viral

https://www.youtube.com/watch?v=5iGgkHhqTDg

Tuaciangin agei ah anne in aom mipi tezong dinkhia in, enkhia ngeingai uhhi. Mercedes Benz hawlpa akhial hi, hihpen One-way hi, Police te sam un ci’n ki awng ngeingai hi. Tua Mercedes Benz pen Glass khempeuh avekin aomcip Dark-tinted Windows ahih manin, asungah kuatung cihpen kimutheilo sawnsawn hi.

Tua Perodua Bezza mawtaw ahawlpa in azingciang hihvaitawh kisai in Kota Damansara Police Station ah Report bawlpah kici hi.

Petaling Jaya district police chief Assistant Commissioner Mohd Zani Che Sin in agenkhiatna ah tua Perodua Bezza mawtaw ahawlpa pen kum 26 aphakhin khat hi a, Melaka panin Kuala Lumpur ah ahawhpak cihi.

More: US ah kum 10 aphapan sangnaupang numeikhat simmawhbawlna thuaklah in ki guiawk

Mercedes Benz mawtaw ahawlpa pen kimanthei nailo in, kizonsan hi. Ahi zongin tuapa pen “Section 427 of the Penal Code for committing mischief” cihleh “Section 42 of the Road Transport Act 1982 for reckless and dangerous driving” cih thukhun 2 palsat ahih manin, tuatetawh thu kibawlding hi ci’n Police te’n genkhia hi. Mercedes Benz mawtaw hawlpen kua himawkding hiam, palik ulian te tanau khawngmah hizelhiam, gitlohdan zong atuamtuam….. Sawltak #zomidaily