Pian’na Nulepa’ thupha ~ Lengtong Pauno

Pian’na Nulepa’ thupha ~ Lengtong Pauno

(…kei’ muhkhakdan’…) *Kei’ mitmuh napongah, mi pawl khatpen, citaklo, ginalo, hanciamlo, zuauthei, uisan, gilo, pumpheeng mahmah napi’n, adaupai akaam’nei, nasephoih, khasumhoih, bosshoih cihkhawng… amau ginalo lualianga sawtseemtheilo uh hikei leh, muthei ngahthei mahmahse uhi.

Hidan tepawlpen,aphung agui uh kan lehang, apu apa api anu te uh, mikician, Pasian zahtak, thumaan thutang te nahi hamtang uhi.

*Nu aw Pa aw, thupha hongpia in, thuhong nget sakin ciciponga, ikhasiatsaksim khinkhianden sangin, Cingei selo a amaute’ lungdam’ lungkim’ theih nadinga nuntak, gamtat, kampau theihding nahizaw gige hi.(God’s formula).

*Keizong, kapukapi, kapakanu’ tungtawnpan a hongluang Pasian thupha hanga tuciangciang, avakvak, a awngawngthei kahihlam kitel phamahmah ka hihmanin,…

Tu a kipanin, kahihzawhzahzahin, katate katute’ thupha ahi dingin nuntak gamtat kampau ahanciam mahmaha akinei kahi hi.

Ka lungdam, Munkhai’pa

Mawhpuak leh Vaipuak (Kei’ pomzia…)

MAWHPUAK

* Mihing malkhatin asepding, aseploh phamawh, asepteiteiding, asepkei leh amawh(တာဝန္)pen = Mawhpuak (amawhpuakna),aseploh phawmawh.

VAIPUAK

* Kipawlna, pawlpi, kumpi, khuasung, veengsung, mihing honkhatin, asepding akisehna ahi, mi tampi’ kipawlna sung(အဖဲြ႔အစည္း၊ ဖဲြ႔စည္းပုံ) kilamzia pen = Vaipuak aci kahi hi.Panmunh ciatpan a mawhpuakna,mi khatbek hilo,mi2 tungsiah te’ mawhpuak hon’gen’napen, Vaipuak aci kahi hi.

Gtn: India kumpi’ kivaipuakzia, kilamzia, GZA, ZYA sung kivaipuakzia etc…

Ahilo omtuan sakeng, maan kawikawi salel ing. Khatzawzaw zatding kipsakna omleh uthuai. Kei’genpen, Manipur Unaute’ zatdan zong hi.

Ka lungdam, Munkhai’pa

NA HIHNA PULAK HI

• 1. Naki kholhpihte in, na hihna pulak hi.
• 2. Navak vakna munin, na hihna pulak hi.
• 3. Na anletui duhdanin, na hihna pulak hi.
• 4. Na muhnop zaknopin, na hihna pulak hi.
• 5. Nalai simnop gelhnopin, na hihna pulak hi.
• 6. Na gennop saknop thulela in, na hihna pulak hi.
• 7. Na comment piak kammal in, na hihna pulak hi.

KASIN’… SINTHU

• Ka tate ka naupangbawl’ laiteng, naupang lungsim vomden ua,
• Ka upatbawl leh, upa lungsim hongnei ua,
• Ka muan’bawl aapat, muan’theih dingin hong nungta pah uhi.
• Ngeekbawl’bawl kha lehang,… ki ngeeksaksak nuam uh hilai 🙂

KA UTHANG KK’ HONGGEN’NGEI THU KHAT

1982 kum. Hunkhatlai in, Zomi paltanlui2, khualzindingin, nitak nitummadeuhhun khatin, gunkhawma agiakding teembawkhawl tungah hong kah sukphei uhi.

Kisilnuam uh ahihmanin khatpa in, khau kivawh tuikhai’na lawhtano tawh, akisil nading uh tuikhai khai hi.

Tui akhai’toh laitakin, adin’na sualnaal hiding hiven, atuikhai’na tawh gunsungah kiasukmawk hi.

Tuipeektheilo, alawmpa’n lah, acih nading meel theilo in ensuk lemlampong lel hi.

Tuikia pa zong asidinghita kahihteh, ci hiding hiven, khatvei alu hongdawktohkik teh, aensuk alawmpa’ kiangah, ” Kazi kata” tumsuk kik, 2veina hong dawktohkik teh, “Ka P’ buuk” tumsukkik leuleu, 3veina hong dawktohkik teh, “Limtak na kepsak ou” acih khitteh, amahzong, kazi kata leh ka P’ buuk’ zong, ka lawmpa vaikhak khin kahihteh, lungkim takin sita ningei’ ci a akhe azan’ leh, tui, akawngtan’ bek napha, cimawk 🙂 Amah zong amaizum’ seelna a, alawmpa kianga, “Satpiaa hong khak meengmeengve” ci lala’ nongse ci ei’… Ka lungdam, Munkhai’pa