Piangtakpi

Piangtakpi

1898 Kumin laiat minthang Morgan Robertson a kici pa in a om nailo/a kianlua mahmah Tembawpi khat ii thu hong at hi. Aminding pen Atalantic Liner ci in a ngaihsutna hong at khia hi. A tembawpi minpen Titan ci hi.

Kum 14 hong cin 1912 kum ciangin White Star Line Shipping Company in Tembaw lian lua mahmah khat hong bawl hi. Robertson ii laisungah tembaw gihna pen ton 70,000 hi aa a taktak aa hongkibawl pen ton 66,000 hongpha mawk hi. A tembaw min pen Titanic ci uh hi.

Robertson ii sunmang tawh a bawl tembaw a sauna pi 800 hi aa a taktak aa hong ki bawl pen pi 882.5 hong hi leuleu hi. A nih tuak un mi 3000 pua thei aa $250 tawh mihau, mipil teng bek tuangsak uh hi. A nihtuak un a kisia theilo dingin a bawl uh a hihi.

A hizongin Robertson in a Tembawpi pen April kha zankim lai tak in tuikhal taih in kisia hi ci in at aa a simkha mi khempeuh a lungsim sukha mahmah hi.

A kibawl taktak Tembawpi zong 19 April 1912 in Southampton tembaw khawlna pan in New York lam manawh in hongpai hi. Zankim laitak lian mah in tuihal phukha aa a hoih mahmah a lian mahmah Tembawpi tuitaw lam ah tunmsuk diaidiai mawk hi. Mi khempeuh a lungsim sukha mahmah hi.

I ngennop thu pen lh ngaihsutna pen a taktak in hongpiang (lmagination creates Reality) cih a hihi. Na khempeuh ngaihsutna စိတ်ကူးစိတ်တန်း pan hong piangkhia a hihi.

Tu ni aa na ngaihsutsut thu pen a sawtloin a taktak hong hi ding hi.

A omnailo pi mah tungah na mailam ah na piannopdan, na ut dan, na tate a’ ding, na nasep ding, na hauhciang a nop ding dan cihte lungngaingai in. Hongpiang ding hi.

Na khemeuh hong kipat khiatna pen Ngaihsutna (Lungsim) sungpan a hihi. Siamsin Library