Pi Sayama Zam Za Dim [w/o Rev. Thang Khaw Pau] tawh Anunungpen Biakpiakkhopna
Pi Sayama Zam Za Dim tawh anunungpen biakpiakkhopna tuni 21 May [Thursday] 1:00P.M. hun in Yae Wai cemetery ah kibawl ding ahihman, a it u-le-nau in ih uap ciat ding hi.
Yangon khua Grace Assembly of God pawlpi in ih it sianu Pi Dim ii luang hong vui sak ding a, sianu tawh anunungpen biakpiakkhopna sungah Pu Rev. Dr. Lam Cin Thang [Principal of All Nations Theological Seminary] in Pasian Kammal pulak thuhilhna nei ding ahi hi.
Sianu pen a nungak lai pek pan kipan khamtung Zogam mun tuamtuam ah zato sayama seem in cina tampi tak a khan sung ah a ou, a bawl, a khoi ahi hi. Hong nusiat hun dong ciang a tenna Yuzana Garden City khua ah a Kawl, a Zo in family doctor in a zat uh hi a, hong it sak ciat peuhmah uh ahi hi. Pasian naseamte bang a khonkhong in bawl zel ahi hi. Mi cina a om ciang zatui zaha tawh natveh in zatui sut dingsim thungetna neih sak phot hamtang ahi hi. Mi tampi tak in ama’ tungtawn in cidamna ngah hi mah ta leh, a mah hong nat hun ciang in, a ma’ cina bawl ngei te in phawk kha man mel lo ahih uh man un, dah in khasia ciat uh hi.
Sianu Pi Dim pen a khan sung Pasian deihna bang in a ma siamna talent ahi cina bawl nursing & healthcare metbawl siam in a khanzo Pasian tanu ahi hi. Sianu in tanu-tapa li le tunu-tupa sawm-le-nih nei ahi hi.
A nusiat Siapa Pu Rev. Thang Khaw pau, le tate ahi Rev. Pau Khan Cin Nang [Sia Paupi] le tuipi-gal-kai anau te unau khawng le mealtheih u-le-nau a-dah-akap khempeuh ading thungetna ah ih phawk tek ding hi.
Khuangaihna tawh,
Suanpi
P.S.: Yuzana Garden City, Blk-A, 11th Street pan, YSBC 50th Street, le Emanuel Church mai pan 11:00A.M. in bus tawh han kikuan ding hi.
Rev. Dr. Philip Cope Suan Pau, Th.M., Th.D.
Research Professor of Mission Studies
All Nations Theological Seminary
Executive Director:
MMM: Myanmar Missions Mobilization
ARMS: All Racial Mission Studies
Yangon, Myanmar
Email: [email protected]
Website: www.mmm-myanmar-missions.org
Cell: 95-92-5408-2868
95-92-5396-6234
Comment piaknop aomleh...