USA, Phoeniz pan Pa Pau Cin Thang (Thangkai Suangpi, Zangiat beh) in hongnusia
Dahpihna Lai Pa Pau Cin Thang (CONDOLENCE LETTER)
Mangpha Pa Pau Cin Thang, Zangiat Beh, Kum 60 :: Thangkai Suangpi Khuami USA gam Phoenix, AZ ateng Pa Pau Cin Thang in abeisa January 06,2019 in kal dam lohna tawh Good Samariatan Hospital pan ongnusia cihthu izaakmanin ZIUSA kipawlna mintawh nakpitakin kidahpih kilainatpih hi.
Pa Thang pen abeisa 2013 kumin Pasian lamhonsakna tawh USA ongtung ahihi.Pa Thang pen Arizona khuapi bulphuh Zomite kipawlkhopna Zomi Innkuan Arizona ah active member kician khat leh USA gamsung Zomite sihna vaiah luang kiphamzawh nading a akivaihawm ZIUSA Genvai ah 01/31/2015 (GV00385) akipan tunidong active member khat ahih manin thukhun zuiin (100%) Death Benefit $12000 kipiakhia dinga paakkual $150 man khattawh zong mangpha khakna kinei ding hi.
Pa Thang tawh anunungpen hunzatkhop ding ong tungding Saturday 01/12/2019, 9:00 AM hun-in (PZCC) makaih na tawh hehnep hunbawlkhopna kinei dinga Rev.Ngo Suan Thang @ Sia Thang Boih in Pasian kammal tawh hanthotna ong neihkhit ciangin hanmualah vuina kineidinghi.
Pa Thang ong nusiatna hanga adahakap sangam tanau meltheih khuapih tuipih beh leh phung akuamakhempeuh hehnemsiampa kha siangtho in alamdangin hong hehnem ciatta hen la I biak Pasian in a makiangpana ongpai khasiangtho in lungnop tawldamna ong guat kimciat nading ZIUSA kipawlna in thu kingetpih hi.
Dahpihna Lianpitawh
ZIUSA Genvai Tanupi Contact
Pu Mun Mang
1706 8th Ave, Apt.304
Oakland CA 94606.
Comment piaknop aomleh...