Permit neilo gamdangmi nasem khempeuh ciahkhiatding Thai kumpi in thupia

Permit neilo gamdangmi nasem khempeuh ciahkhiatding Thai kumpi in thupia

Thai gamsung aom gamdangmi nasem “migrant workers” tepen March 31 ni atunma in kumpi tungah Register bawl hamtangding, abawllo peuhmah agam ciatciat uhah ki puakkikding hi ci’n Thailand’s Labour Ministry te’n abeisa in agenna, Warning apiakpiaksa uh ahihi.

Tuavai tawh kizui in Thai gamsung aom Myanmar Embassy Official te’n Myanmar gammi tultampi Register bawlhunding Deadline laplo uh ahih manin, lunghimawhhuai mahmah hi ci’n pulakkhia uhhi. Photo: Register bawlding in akigual gamdangmi te

Bangkok aom Myanmar Embassy ah Labour Attaché of Myanmar Embassy asem laitak ahi U San Maung Oo in agenkhiatna ah gamdangmi nasemte sungah naseptheihna Document aneilo khempeuhpen aciahkul takpiding uhhi ci’n Thursday ni in genkhia hi.

Tuabangin Thai kumpi tungah Register bawlding Deadline alaplo pen gamdangmi nasem akigawm in mi 60,000 bang omding cihi. Tuate pen Labour Ministry of Thailand te makaihna tawh nasep aguan Boss (Employer) tezong thu kibawlding cihi.

Myanmar Union Minister te’n Thai gamsung aom Myanmar Workers tepen akimatloh, thu akibawlloh nadingin ngekna neihsak uhhi. Tuaban ah tua illegal workers tepen Thai kumpi in Transfer abawlsak nading inzong ngetna kinei hi ci’n U San Maung Oo in genbeh hi. Ahi zongin Thai kumpi thunei lampanin bangci dawnkik cihpen genkhiatna omlo hi.

Bangkok aom Myanmar Embassy panin bangmah Document tawiding aneilo Myanmar gammi tepen theihpihna lai “Recommendation Letter” kipiading hi. Tua laidal atawite pen Thai Govenment Agencies te’n hong matsakloding uh a, ahi zongin tua Recommendation Letter atawite pen ihgam ah aciah uh kulding hi ci’n genbeh hi.

Thailand’s Ministry of Labour te pulakna ah Myanmar, Laos, Cambodia gamte panin bangmah Document tawikician aneilo mi 1.3 Million te’n abeisa March 31 Deadline lapin kumpi tawh Register hongbawl uhhi ci’n pulakkhia uhhi.

More: Thai gamsung ah Bus golpikhat guamsung ah kia, Myanmar gammi 6 si, adang mi 30 liam

Ahi zongin Deadline alaplo, Register abawlmanlo pen mi 60,000 bangmah omvevelai cimawk hi. Tua Register abawlmanlo gamdangmi nasem “Foreign Workers” te adingin lunghimawhhuai mahmahta hi. Sawltak #zomidaily