Malaysia, Penang ah Motorcycle leh mawtaw ki nakphukkhak mahmah in mi 1 si

Malaysia, Penang ah Motorcycle leh mawtaw ki nakphukkhak mahmah in mi 1 si

Malaysia, Penang State sungah Motorycle khatleh mawtaw khat kitaihkha in, Motorcycle hawlpa pen aphual ah sipah cih NST pan kiza hi. Tua Motorcyclist papen Penang Bridge lamzuan in mawtaw adangte paidantawh akilehbulh “against the traffic flow” in hawl ahih manin, mawtaw in aphukha kici hi.

Tuni Tuesdan zingsangtunglam in akiphukha, aki taihkha hi a, Motoryclist papen kum 53 aphakhin Ng Kong Cheong kici hi.

Seberang Prai Tengah police chief Assistant Commissioner Nik Ros Azhan Nik Abdul Hamid in agenkhiatna ah zankim khitdeuh in hih tuahsiatna Accident om ci’n hongki zasak cihi.

Athu aki kankhiat ciangin Motorcycle hawlpa in mawtaw adangte tawh apaidan kilehbulh in hawlgawp ahih manin aki phukha hiding ci uhhi. Aki phutkhakpih pen Honda Accord namte khat hi a, Motorcycle pen Traffic lehhawlmawk ahih manin mawtaw in ahunlap in Brake sikmanlo in phusukpah hi.

Mawtaw Driver pa ahihleh bangmah liamna omlo in suakta theihi. Ama khialhna ahih masakloh hangin Motorcycle hawlpa pen simawk ahih manin, “Section 41(1) of the Road Transport Act 1987” thukhun tawh kizui in mikhat sihsakna leh mawtaw phenghawlgawp “causing death by reckless driving” cihtawh thu kibawlmawk hi.

Motorcycle pen limphutkhak mahmah ahih manin, siazangawp a, ahawlna khawngzong ki lawnkhialiang hi. Mawtaw ahihleh amailam akiuteng limsiat mahmah hi.

Asipa ii aluanghawm pen Bukit Mertajam Hospital ah Postmortem bawlding in kipuak hi.

Related: Penang Highway tungah nupa omkhawm ci’n thumanlo agelhkhia te kikansan

Tukum March khasung inzong North-South Expressway tungah numei kum 19 khatin Traffic lehhawlmawk ahih manin, mawtaw tampitak ki taihsak gawpngei hi. Tua mawtaw hawlnu asih banah adangzong mi tampitak liamgawp uhhi.

July khasung inzong North-South Expressway tungah pasal khatin Traffic lehhawl ahih manin, adang mawtaw 4 taktawh kitaihgawp uhhi. Sawltak #zomidaily