Penang ah tuikhanggawp ahih manin, ki dalkholhna in Electric meite ki khakcip

Penang ah tuikhanggawp ahih manin, ki dalkholhna in Electric meite ki khakcip

Malaysia, Penang State sung muntuamtuam ah tusungteng tuikhanggawp cih ki limzak mahmah hi. Electric meitha apia ahi Tenaga Nasional Berhad (TNB) panin Electric daihlaih khawng aom khakding patauhna tawh kidalkholhna in Electric Power khakcip sawnsawn ahih manin, khuasung mipi te cimawh mahmah uh cih theStar pan kiza hi.

Ki dalkholhna (precautionary measures) ci’n Penang State sung aom 85 Sub-stations ah Electric mei ki khakcipkhin hi.

TNB Penang general manager Datuk Lim Yew Soon in agenkhiatna ah tui tamlua mahmah, Water Level sangkah toto ahih manin, ki dalkholhna in aki khakcip, Action akila hi ci’n genkhia hi.

Electric mei asiat banah tui piakna (Water Pump) ah akizang Electric mei tezong siacip ahih manin, Bandar Baru Ayer Itam, Jesselton, Pulau Tikus, Waterfall Areas sungteng ah tuizong pailo in khuasung mipi te cimawh mahmah uhhi.

Tua ahih manin TNB and the Penang Water Supply Corporation (PBAPP) panin makai te’n asiapen dinmun ah bangci bangin khuasung mipi te panpih theiding cih Emergency Response Protocol kilimgin mahmah uhhi.

PBAPP Chairman asem laitak ahi Chief Minister Lim Guan Eng in agenkhiatna ah Penang Botanic Gardens leh Guillemard Water Treatment Plants te ahzong tuilakna siacip, ninthem leh leinenthem tengin hubitcip in, tuisial “Raw Water” laktheih omlo cihi.

Tua ahih manin, Raw Water ki ngahzolo a, tuisiang pen khuasung mipi te zatding in ki hawmkhia theiloding cihi. Tuahang in Jesselton Heights, Penang Botanic Gardens kuamteng leh Waterfall Road, Pulau Tikus cihteng ah tui ngahloding cihi.

Tuabek thamlo Air Rajah Road, Gottlieb Road, Fettes Park, Pepper Estate, Elsedale Estate, Hong Seng Estate, Mount Erskine cih kuamsungteng ahzong Water Pressure kiammahmah in tui deihbang in ki ngahloding hi ci’n genkhia hi.

More: Penang Construction Site ah akivulhnelh misi luang 8 kimukhiata, Myanmar 3 kihel

Ahi zongin Emergency Response Team te’n vengtuamtuam ah tui angeina in aki ngahkik theihpah nadingin ki hanciam mahmah a, Seberang Prai aom Sungai Dua Water Treatment Plant ahzong angeina sangin dawnding tuisiang tampi aki hawmkhiattheih nadingin Water Pump ki behlap hi ci’n genkhia hi. Malaysia, Penang sungah Kawlgammi tammahmah kici hi. Ih meltheih tanau te aomkha hiam, tulaitak cimawh mahmahding uhhi. Sawltak #zomidaily