Paul Hau Khan Pau (Thalmual, kum 65) vai lungdam kohna

Paul Hau Khan Pau (Thalmual, kum 65) vai lungdam kohna

Dear Akuama peuh,

Ka Pa uh Paul Hau Khan Pau (Kum 65) in hong nusiat vatna ah vai teng
khempeuh bangmah nawngkaina omlo, lungkim huai takin akipatna pan
tuni dongin Biak Pasianin hong ompih-a amin siangtho kaphat masa hi.
Ka dah kakapna te hangin Phone pan leh Online ki zopna Email leh
Facebook pan-in hong dahpih, hong hehnem, thu hong ngetsak leh omna
tekpan Missa hong bawlsak te ahi zahtak Zogam Siampi Bishop Felix,
Topa te, Siate, Unau sanggam teng leh Lawm le gual te tungah lungdamna
kong phulak uhhi.

Ka Pa luanghawm tawh hun nunung ah zong Fatima Tonu Biakinn pan P.p
Fr. Dominic , Kawlpi St. Mary Biakinn pan Msgr. Fr Matin Suan Khan
Mung, St. Josep Major sangpan Prof. Fr Dominic Palang te, YCCF pawlpi
mite, khuapih tuipih beh le phung unau sanggam teng, Lawm le gual leh
veng le paam tengin Biakinn sungah Missa Biakpiakna hong neih sak uha,
guahzu daikaai nuai ah Yeway hanmual dongin nong khakpih man-in
lungdam na kong phulak nuam hi.

Bek thamlo-in hongpha zo teng ban-ah a mi mahmah in a om loh hangin
Kipawlna tuamtuam, naute nasepna tuamtuam leh muntuam gamtuam pan in
Sum le paai leh akisam tuamtuam tengah itsiik lo-a nong galna leh nong
huhna te uh zong lungdam na kong phulak nuam hi.

Adiakdiak in ka Pa uh hong nusiat a kipan inn ah thungetsak na,
Biakinn sungah Missa bawlsakna, guahzu daikaai nuai ah hanmual dong
hong zui-in thupha piaksak na leh Innthupha hong piaksak Fr. Dominic
Palang tung leh Veng thusa hong sepsak tuni dongmah inn hongpha Pa
Lang Cin Thang (Pa Thang Tonzang) te tungah ka lungdam phadiak hi.

Hibangin dahna kahna sungah thungetna tawh, thatang mahmah tawh, Sum
le paai leh akisam Mawtor, vangil tuamtuam leh nek le dawn tawh nong
hehnepna dahpihna te uh hangin genkhiat zawhloh lungdamna te ko tungah
honghisak a, ka dahna te uh lungnopna leh athakin khamuan na te hong
suaksak hi. Ko Innkuan sungpan thukkik zawhloh ding nong huhna te pen
Topa Pasian-in no teng tungah hong thukkik sak ta hen!

Lungdam kohna ah phulak khak loh, mangngilh zong om kha dinga nong mai
sak dinguh leh Pa in hongnusiat hangin ka thanem na te leh kisapna
tuamtuam ah Pa Pasian in thakhauhna te hong guat nangin thungetna tawh
nong panpih dinguh kong thum nuam hi.

Itna sungah na Sanggam tenguh tangin,

Anthony Lian
Tawmvei Yangon