Chin state Vuanzi Pu Pau Lun le Malaysia Zomi te

Chin state Vuanzi Pu Pau Lun le Malaysia Zomi te

Tulai ah Zomi te ading alung himawh huai mahmah apha deuh in gam nihna omte adingin UNHCR te laisuah na tungtawn in Chin State Social Affair Minister Pu Paulun in avei-na le deih sakna tawh apaisawmna thu Phualva Lungtuak Media tungah hi dan in gen hi.

Chin State ah Social Affair Minister ah ka hihna le ka mipihte veina deihsak na in paiding ka ut a ka vaihawm sak zawh zah in adinmun uh zong ka va thei nuam hi. Ahih hangin bang hun ah paiding cih pen ka gen thei naikei zum lam ah phalna tungsiah ah phalna mah kisam ahih man in vaihawm hileng zong State Minister vaihawm bek tawh pianglo ding ahiman in Union-pithawngsuh vuanzite tawh kimuhna 16/7/2018 niteh Nipidaw khuapi ah pithawngsuh/union vuanzi te tawh kimuh ding ka vaihawm uh hi. Gamnihna omte ong ciah ding aileh zong inn le lo koici vahawm ding aizong kikupna le vaihawm nakhat va nei nung ci-in gen hi.

Cycle vai

Tulai igam /khuasungah mawtaw saikel laisen neilote kimatsak ding vai tawh kisai vuanzi pa genna ah laisen neihding pen thapia zaw tek ing atamlua abeizaw hisam lo aiteh neizo tek leng tuaban ah tu apen pithawngsuh/union pan ki vaihawm hizaw ahih man in ka genbeh ding tam kei mai.

Zomi 914 vai

Zomi pen en isepding teng sem khin ihih ciang zakhai/rakhine gam sung a buaina lau nahang tawh tuni ciang a hici hi-in mailam ah ong lemto to lel inteh.

Tedim/Tonzang Township vai

Tedim Tonzang lam ah Park/Museum/bazaar etc. Cihte vaihawmna ngetna cihdan khawng aom hia?

Hitawh kisai-in asawt lo-in gamdang huhna khat ahi India in vaipuak lakding khat pithawngsuh/union ah kihona om in hih huhna pen gambup huhna gamdang pan hi-in Chin State ading than 25 satanh kiseh a Township 1 teh 3 billion dingin kivaihawn sawm in tua bang in kingah hileh Tonzang Township bang pen a Tonzang khuasung 1 billion tawh puah in Tonzang gam huam pen 1 bilion tawh puah in 1 billion tawh khuata kikawmna lampi ahoihlo kizopna alemlote ading in vaihawm leng . . aphadeuh in hih nam 3 teng ahi Construction/Dawntui/khuata lampi hoihlo cih namthum teng kisem leh cih ngaihsun ing.

Gamgi kizopna

Cikha le Behiang kizopna hita leh adang a ki enkhin kizopnate pen gamnih tawh kisai-in gamnih in ki ho toto lai ding thu hi. Hihte pen state in naklet/power nei khawllo hi.

Maha datline vai

Hihpen akum kum in akisem to hi-in 2018-2019 sumzek/budget hun sungah Tedim atung dingin akigel hi-in sumtawm ahih man in bang aci diam cih gen thei lian nailo hi.

Tedim DC vai

District tawh kisai-in Matupi na ngawn DC ngahta ci himah leh tudong ki hongzo nailo hi tua khawng ong ki hongto leh aban kizom toto ding hi. hici hi cih om thei nailo hi. 5/7/2018|Phualva Lungtuak Media