Pastor Mung Tawng & Pastor Niang te kiteenzawh kum (35) cin lungdam pihna

Full Gospel Assembly International pawlpi kemahi Rev.Dr. Dam Suan Mung leh Rev. Vung Za Niang te pumkhat suahzawh zingciang in kum 35 acingdinghi tahi. Abeisa kum 1977 kum June kha in Siapa pen Thuklai khua ah Pasian nasemdingin natungin.

Kum 2 sung tawntung Pasian na asep khit ciangin Topa vai hawmsak na tawh amah tawh ki thuahpihding, azi dingin Rev.Vung Za Niang napia in kum 1979, August 4,in Pasian mai leh mite mai ah pumkhatsuah nanei uhhi.Tu in Topa thupha piakna hangin ki tenzawh kum 35 bang ongcing tota hi.

Sia te nupa sungpan in,Topa’n tanu 1 leh tapa nih pia in tulaitak in atanu Sanpi pen Yagon ah Pasian nasem in aom laitak hi a,atapa te gel ahih leh Tulsa ah pilna sinin anu apa tawh tulai tak in omkhawm uhhi.

Topa’n kumsawt tampi dam in leitung tu leh ta leh khalam tu leh ta tampi tawilai ding in thupha ongpiaksak ta hen. Amen. FGA Tulsa