Pasian koici na zahtak hiam? ~ Dr. Kaipi

Pasian koici na zahtak hiam? ~ Dr. Kaipi

Na mite in hong uk kumpite le aana neite’ thu mangin, thuhoih khempeuh a sem dingin a kigingsa-in a om ding uh phawksak in. TITUS 3:1 TDB

Mi tampi in Pasian ih zahtak dan atuamtuam te ngaihsun dihni. “Biakinn ah Pasian bia ding in kapai hi. Lai Siangtho kasim hi. Lasa in khutte beng in Pasian kabia hi.” Hi mah hi, tua te bek Pasian zahtakna hi gai nailo in, vai khat peuhpeuh ah hun na man na zong Pasian zahtakna hipah hi.

Nisim aa ahoihlam ah na khantohna te leh na tungsiah thunei te na zahtak na te pen ongbawl Pasian na zahtakna hipah hi.

Nasepna khat peuhpeuh ah ahoihpen a na hanciamna pen Pasian na zahtakna hi pah hi. Na nuntakna in Pasian a pahtawi/ phat hi pah hi. Kampi bek tawh thugengen na sangin sepkhiatna tawh lahkhiatna pen muibun zaw hi. (Actions speak louder than words)

Mite tungah lungsimhoih lahkhiatna, mite tawh ki-it/kilawmtat theihna, mite tawh ki pawlkhop theihna, naseptheih zahzah ahoihpen aa hanciam aa na sepkhiatna te in midang te tawh na kibatlohna ong kilangsak ding hi.

Tuabangdan nuntakna hoihte midang te in amuh ciangin a lungsim uh sukha zo mahmah hi. A nungta Pasian’ thu a um eite khempeuh in tuabangdan nuntakna hoihte ih neih/zat zawhding hanciam mahmah ding ahi hi.

Ih gamtatna, ih nuntakzia ahoih te leh na ahoihpen aa’ sepding ih hanciamna te in Sangpen Pasian’ tate ihihlam kilangsak hi.

Leitungah na nuntak sungin Pasian tangmi (representative) na hih manin na sepna khempeuh ah amah zahtak ding khensatna nei in! – Joel Osteen

Thu ngenni

Vantung aom kote Pa aw, ka sepna khempeuh ah nangmah kong zahtak zawhna ding ka lunggulh hi. Ka hihtheihzah in a hoihpen in sepding ka ngaihsun ta hi. Nang ii’ tangmi khat kahihkhak hampha ka kisa hi.

More: Phone thukham nam 10 ~ Dr. Kaipi

Ka sepna khempeuh ah nangma’ nong itna leh alamdang na hoihna mite in amuh zawh nading un ong huh in. Zeisu, namin in thu kongngen hi. Amen. A simkha mimal khatciat adingin thupha ngah nipi suak ta hen. Dr. Kaipi