Pasian in Mihing pianna liimpi Pau Cin Hau alah na thu

Pasian in Mihing pianna liimpi Pau Cin Hau alah na thu

Pasian thubu, M-16:1 ( Pasian in leitung mihing te apian sakna liimpi honglak aa, hong en sak hi. Leitung mipil te in mihing pen Zawng pan kipiang ahih kei leh kipan hi ci uh hi. Christian upna leuleu ah Leii vui pan in kipiang in huu kimop na pan pasal kipiang , Tua pan nak guh khat pan in numei kipiang khia hi cih upna om hi. Tua pian na nam tuamtuam tampi om lai hi.

Tua a igen nop thu in Zomi nam sung pan in Pasian amu athei, Pasian kamsang Pau Cin Hau tung ah Pasian in alah leitung mihing pianna ikum khawm ding hang.

Hih mihing liimpi Pasian in alah hun laitak in Pau Cin Hau in Pasian amuhna ah khut sawmnih nei in akilangh in Pasian amu hi. M-16:2 Tua mihing pian sakna Pasian in alah hun laitak in Pasian kiangah vantung tapa leh a nasem te kua mah pai ngamlo in aom na thu Pau Cin Hau in mu hi. Hilai mun ah Vantung Tapa acih leh anasem te acih pen kua hi ding hiam? cih ngaihsut huai mahmah thu om kasa hi.

Leitung mihing pianna ding Singkuang tawh akibang liim musak hi. Tua singkuang pen honna leh khakna tawh (Key) nei sak in Tua tawh aheek ciang in mihing khutpi ciacia in apai khia musak sakhi. Mizawng ding leh mihau ding akideina tawh heekna nam nih aom musak hi.

Leitung mihing abawl nasem Pasian in vantung minih koih a, Tua vantung minih te sungpan khat in azawng dingte apianna nading aheek aa, khat in ahau ding te pian na ding aheek na liim musak hi.

Hih leitung mihing pianna liimpi alahna ah vantung mi nih te khit a, vantung mi lai-at lii aom zong musak hi. Vantung minih in abawl khiat mite ahoih mahmah ding in bawl ahih hang in vantung mi lai -at lii te in tua mihing bawl te amundang te ahoihsak hang in munkhat teitei akitaang sam ding in abawlna Pasian in Pau Cin Hau mu sak hi.

Vantung minih te in mibawlna tawh aheek apei khit lianleh Pasian khaate leng in akibawlsa mite sung ah alutsak na Pasian in musak hi.

Alutsak khitciang in leitung cilesa tawh kilam taksa pumpi kha pumpi pen i nute gilsung ah aki om hunsung vantung mite in ipianna nu te lukhung pan hong cing gige a, na lukhung alam ah cil nasiat naphit ding Pasian in deih lo in khaam ahih na musak theisak hi. Hau Thang