Pasian in bang mu nuam hiam?

Pasian in bang mu nuam hiam?

Pasian in leitung mi khempeuh it a, nang leh kei zong hong it hi (John 3:16). Nang pen A ta hong suaksak nuam hi. Pasian’ ta I suah nadingin I sungah Jesu Khris a om ding kisam hi. Pasian in hong et ciangin a sungah Jesu a om hiam cih hong en hi.

A taktakin Pasian in hong et ciangin nang hong en hilo in na sunga Jesu a en hizaw hi. Na sungah Jesu a muh kei leh, nang leh nag nungta na kisak hangin Pasian in a nungta in hong mulo a, Dawimangpa’ ta bangin hong mu h (John 8:44).

Pasian’ ta suak nailopi in bang zahin Pasian ading semin bangzah in thupha na bawl zongin dawimangpa’ ta in na sem a, thupha bawl hi, cih in hong mu ahih manin A thu ciaptehna laibu sungah kiciamteh kha lo ho.

Mi khat a lungtang khempeuh tawh Jesu Khris tungah ki-ap in Kha Siangtho lamlahna a ngah khit ciangin na a sep leh Pasian in sang pan hi. Ci leh sa tawh I ngaihsuttawm tawh I septen Pasian lungkimsak zolo hi. Ci leh sa sungah a omten Pasian lungdamsak zolo hi (Rom 8:8).

Pasian in nag tungah hong muh nop pen, a sungah Jesu a om hiam? Jesu’ sisan a tungah a bang hiam? A sep a bawlte Jesu’ Kha Siangtho lamlahna tawh a sep hiam? cihte hong mu nuam hi. Awging, Jan 2015