Pasalte zong naupaai maw paailo ki sittel huaita ~ Hau Lun

Pasalte zong naupaai maw paailo ki sittel huaita ~ Hau Lun

A ki teeng tung nupa kop te zan hun a zat khit uh a zingsang sim in, a zi in Nau paai maw paai lo theihna HCG tawh a zun sit den hi. (HCG pen nau a om leh, ciang nih san, nau a om kei leh ciang khat bek san)

Zingsang khat a pasal in a zi ciamnuih nuam ahih man in a zi in a zun a sit ma in ama zun a sit leh nau paai ciang hong ki lang daan HCG ah ciang nih hong suak mawk hi.

Aman zong lamdang sa in a nuihza lua ahih manin fb ah naupaai ta ing ei cin tua HCG tawh marn ki zaih in suak sak hi.

A lawm a gual pawl khat te in nuih san in ”Numei pa ”a ci tawh, ”Tua HCG na zi aa hin cia” a ci tawh comment pia ngei ngai uh hi.

Ahih hang, Comment khat ah ” Pasal pipi na zun ah tua bangaa nau paai bangin ciang nih hong suak takpi ahih leh manlang tak in zato ki lak in. Ciltang cancer nei hi teh” cih khat mu kha hi.

Lamdang sa kawm leh umlo pipi mah zato ah a ki et sak pong leh a ciltang cancer na hih takpi in Stage 1 bek hi pan a hih manin a nuntakna honkhia man hi.

Numei ten nau a paai ciangin Glycoprotein a ki ci Hormone hong tam deuh hi. Tua hormone pen Human Chorionic Gonadotropin (HCG) cin zong ki sam hi.

More: Vitamin E nekna hangin Ciltang Cancer ki ngahthei

Pasal te zong ciltang cancer a pian leh tua HCG hormone te a sisan sung vuah ki mu hi.

Tua ahih man in pasal te zong naupaai leh paailo ki tehna HCG tawh zun sit ding thupi hi. Deihsakna tawh, Vung Hau Lun