Pasal te’ lungkimna kim azi ~ Tdkhen

Pasal te’ lungkimna kim azi ~ Tdkhen

TITANIC tembawpi siat tungin nupa khat, Isidor Strans leh a zi zong a tuang kha uh hi. Sumbawl lawhcing mihau khat hi a, a sumbawlna pan Politic lamah a lut hi. Tembawpi kisia hi, ci-in tum dingin hong sawi’daai’daai’ta a, Isidor Stranste nupa zong cih nading theilo-in hong kikahkah ta uh hi.

Tua laitakin hotkhiatna gunkuangnote’ tungah numei leh naupang teng kikha khia in, Stranste nupa zong om maimai lo-in, tuate buaipihin a manlah uh hi.

Strans in a zi, hotkhiatna gunkuangah a om’sak ding ciangin a zi ut lo-in, a pasal tawh sihkhop ding a teel hi. A pasal in thatanghat ciamin, a zi angpomin a koih teitei ciangin, a zi ut lo-in, gunkuangah tu zong tu manlo-in, a pasal angpom’ kikin a kikoih thei kei uh hi. “Kongit,…kum hitan sung i kithuahkhawm khin a, i kumte zong tamtuakta hilo hia mataw, nang lo-in ke’n bang hih zo nawn tuan ding!.. kongit, na paina na-ah hong zui ning” a cita hi.

TAGAHNO KHAT ZANGIN LEITUNG NA LOK THEI HI

Germany gamah Conrad leh Ursula-te nupa in tapa khat a neihsun uh sihsuah hi. Na salua mahmah uh ahih manin kihehnep ngap nawnlo mai uh hi. Tua laitakin puansia nengkai silh pasalno khat huhna ngenin a inn vuah hong lut hi. Amau zong tua naupang hehpihhuai sa-in, a inn vuah om suak sakin, ta bangin a nei uh hi. It mahmah uh a, hoih takin pantahin, sang a kah sak uh hi. Pilna sangpi takah a khangto uh hi. Tua naupang pen mithupi Martin Luther ahi hi. Tdkhen