Thai ah pasal khat azi tawh kitawng in, azi tungah hehlua ahih manin atanu kha 11 bekbek aphapan pen khailum in, tuakhit ciangin amahzong ki gui awk cih Asia News Network pan kiza hi. Atanu akhailupna pen Facebook Live in khahkhia cimawk hi.
Thai, Phuket’s Thalang District sungah Monday ni in thupiang ahihi. Tua akhailumpa pen kum 21 aphakhin khat ahihi. Ki khailupna Video pen Facebook Live in khahkhia a, Minute 4 khawng sawt cihi.
Monday nitaklam 5:45pm hunpawl in thupiang hi a, Facebook Live tungah aki khahkhiat ciangin Social Media tungah ki thehthang “Viral” gawp hi. Anu inzong hihthu azak ciangin amanlangin Police Station ah huhna ngenpah himahleh ziakaikhinta ahih manin, atapa leh atunu sikhinta uhhi.
Tua Video sungah apasal pen atanu tawh innsangdawn Rooftop khatah tu cihi. Tuakhit ciangin kumkhatzong acingnailo atanu pen a ngawngah khau khih in inntungdawn Rooftop panin khiasuk hi. Atanu pen tawmcik kapin tuaciangin daicip hi.
Tuakhit ciangin atanu pen akhau tawh kaito kikin, akhau sutkhia hi. Tualaitak in atanu pen kapkik leuleu a, ahi zongin akah tawpna hita hi. Sisuakziau hi.
Kum 21 aphakhin tua pasalpa ii anu in nitak 6:30pm hunpawl in hihthu azak ciangin amanlang in Thalang Police Station ah taipah a, huhna ngenpah hi.
Police te’nzong amanlang in tua Video Clip sungah amuh uh innsangpi pen zongpah uhhi. Naithon Beach gei aom Five-star Hotel geikhat nahi a, mukhiathei bilbel uhhi.
Police te’n inndawn Rooftop ah adelhtoh uhciangin tua pasalpa zong amahleh amah naki khailum khinta hi. Amah aki khailup laitak pen Facebook Live panin Broadcast nawnlo ahih manin, ama sihlam pen kuamah in atheipaklo ahihi.
Atanu ii aluanghawm pen inntungdawn mahah asisa in om liuleu hi.
Asipa ii azi in agenna ah apasal in midang khattawh muangmawh ahih manin kakitawng uh cihi.
Azi phone sung a etsak ciangin pasaldang khattawh kizopna aneihlam mukhia ahih manin, Monday zingsang 3am hunpawl in azi thahsawm cihi. Tuapan in azipen innpan taikhia hi. Tuani nitaklam mahin amau pata aki khailum uh ahihi.
Related: Indonesia ah pasal khat aki gui awk (Suicide) laitak Facebook Live in khahkhia
Nungdeuh mahmah inzong Indonesia pasal khatin amahleh amah aki gui awk laitak Facebook Live in khahkhia mawk hi. Facebook Live zatdan tezong mulkimhuai mahmah mawk ei. ZD Sawltak #zomidaily
Comment piaknop aomleh...