Panasonic Company te’n Kawlgam ah nasep behlapding

Panasonic Company te’n Kawlgam ah nasep behlapding

Japanese Electronics Company minthang leh Company lianpi khat ahi Panasonic Corp te’n Kawlgam sungah amau ii Electric Appliance Business pen behlapding uh cih Bangkok Post pan kiza hi. 2017 kumsung in Kawlgam sungah Service Center 4 honbehding uh a, Air-conditioner Model thak khatzong zuakkhiat kipanding cihi.

Nung Tuesday ni inzong Yangon aom Hotel khatah Panasonic te’n “Air-Conditioner Exhibition” khat bawl uhhi. Tua munah Air Conditioner (Aircon) Model thak khat ahi “Mini FSV VRF” kicipen pulak khiatna nei uhhi. Hihpen innsung leh zumsung te ah aki zangtheiding Model khat in abawl uh ahihi.

Panasonic Asia Pacific Pte Ltd pen Singapore-based in aom hi a, tuapan in Myanmar Branch ah Chief Representative in Hisakazu Maeda hongpai hi. Tuapa ii agenkhiatna ah Central Myanmar ah Panasoni Service Center 3 ki honbehding a, Lower Region ah Panasonic Service Center khat kihongding cihi. Akigawm in Kawlgam sungah 2017 kumsung in Panasonic Service Center 4 ahonbehding uh ahihi.

Tulaitak in Kawlgam sungah Panasonic Service Centers 11 omkhin a, tualak ah 2 pen Showrooms tawh ki thuahpah hi. Hih Service Center te panin Panasonic Electronics vante siatna leh kisapna khatpeuh aom ciangin panpih uhhi. Center Center 4 bang behlap sawmlai uh ahih manin, Customer Service pen thupi ngaihsut mahmah uh cih kilang hi.

Kawlgam sungah Electric Power Supply pen kicing hetlo cih hih Company te’n theimahmah uh ahih manin, “Panasonic’s Global Aid Project” panin Kawlgamsung aom Government leh Humanitarian Organisations kipawlna 9 te tungah huhna pia ngeikhin uhhi.

Apiakkhiat uh huhnapen “Solar Lantern” akici nitang tawh aki vakthei lalcin ahihi. Akigawm in Solar Lantern bekbek 2400 piakhiakhin uhhi. Mailam ah Zogam sung ahzong tampi hong hawmkhait gawpding lunggulh huai hi. ZD Sawltak #zomidaily