Penang ah palik kineih pasal khatin Kawlgammi numei khat bawlsia

Penang ah palik kineih pasal khatin Kawlgammi numei khat bawlsia

Malaysia, Penang State sungah kumpi nasem pasal khatin Kawlgammi numei khat amatkhit ciangin zawhthawh thutawh apasalvan pen tua Kawlgamnu tawpsak “perform oral sex” cih theStar pan kiza hi.

Tua kumpi nasempa pen “Penang Island City Council” ah nasemkhat ahihi. Monday ni zingsang 10:30am hunpawl in Bandar Baru Air Itam geinai ah Kawlgammi numei “Myanmar woman” khat khetawh apailaitak in tua kumpi nasempa in keipen palik “Policeman” kahi ci’n khem a, matbawl hi.

George Town khuasung ah palik thunei Officer Incharge Anuar Omar in agenkhiatna ah tua Kawlgam numeinu pen kum 22 aphakhin khat cihi. (numeinu maizumding khualna in aminpen ki pulaklo hi)

Kumpi nasempa inzong tua Kawlgam numeinu pen palik kahi acihkhit ciangin a Motorcycle nungah tusak in paikhiatpih hi. Jalan Thean Teik aom kuamah aomlohna inn awng Apartment khatah lutpih in, tuamun ah tua Kawlgam numeinu pen apasalvan tawpsaksawm cihi.

Numeinu pen a utloh hangin atha angal in zolo ahih manin, asawl bangbang in agamtat kul cimawk hi. Tuabang in alungkimtak in atawpsak khitciangin numeinu ii vanmanpha Jewellery aneihteng ahi bilbah, suaikhi cihte avek in laksak sawnsawn hi. Tuakhit ciangin anih un tua Apartment panin pusuakkhia uhhi.

Innnuai kumsukding in Lift angak in aomlaitak un tua Apartment sungah aomte’n mukha uh a, muanmawhhuai sapian uh ahih manin, encik gige uhhi.

Aomzia manlo in muanmawhhuai cih akiciat ciangin tua Apartment sung aom te’n kumpi nasempa naman uh a, numeinu ii avan asuhsa tengzong piasakkik in, tuakhit ciangin Police te sam uhhi.

Tuakhit ciangin Police Station ah anih un ki paipih a, “Section 377B of the Penal Code” tawh tua kumpinasem pasalpa pen thu kibawlding cih kiza hi.

Related: Kawlgam ah 2017 January khakhatsung bekbek in Rape Case 100 val om

Hih thuthang thupiang tungtawn in adiakdiak in numei te’n Lesson laktheihding thupi mahmah khading hi. Palik te’n vai khatpeuhtawh hongmatkhak zenzenleh, palik pasal khatin numei khatguak pen Motorcycle tawh puakhia cihbang omlo khading hi. Palik taktak te alauhuai banah, palik taktaklo palik atuh tezong lauhuai zawkan lailai hi. Sawltak #zomidaily

Note: Leitung thuthang khatpeuh akigelh ciangin nasim tektekin cihzong hipah samlo hi. Alunglut te’n simding uha, alunglutlo te’n simlo lelding uhhi. Thulamdang apiangpakpak khollo thuthang ahih manin, hongki suaksak hizaw hi. Ahi zongin pawlkhat te’n hihsang athupizaw, Zomi te khantohpihding athupizaw omlohiam ci’n phunphunthei sese uhhi. Nasimnop takpileh thuhoih Article zong tampitak omlua hi. Zomi Daily Website tungah 2008 kumpek panin akikaikhawm toto, Article leh News tuamtuam akigawm in 8670 val omkhin hi. Category tawh Menu panin akikhen dimdiam hi a, Biakna thu, Politics thu, Cidamna thu cihte akipan na lunglutzawkzawk simtheih ziauziau ahihi.