Pakistan pasal 4 in Malaysian numei khat ii sum suhsawm

Pakistan pasal 4 in Malaysian numei khat ii sum suhsawm

Hong huhsawm khempeuh muanluat pahpahding hihetlo hi. Monday ni in Malaysia gamsung Taman Maluri aom ATM khatah Malaysia gammi nupi khatpen gamdangmi 4 in asum nasuhsawm cimawk hi.

Tua gamdangmi sumsuhsawm tepen Pakistan gammi vive hi uh a, pasal 4 in numei khat ii asum asuhsawm cih theStar pan kiza hi. Cheras OCPD Asst Comm Chong Kok Sin in agenkhiatna ah nitaklam 5:30pm hunpawl in numei khat AMT setsung ah sum thunding, Cash Deposit dingin pai cihi.

Sum akigawm in Deposit akoihsawm pen RM3000 bang hi a, tualak ah RM50 dalkhatpen setsung ah luttheilo in, Reject kik hi. Tua aki aluttheilo aki Reject kik RM50 lai pen numeinu in hoihtak zalkhia in thunkikding akithawi laitak in pasal 4 in nehphei uh a, ahuhding kinei uhhi.

Pasal khatpa in asum RM50 pen sutin, tualaitak in adangkhat in Deposit abawlpen Cancel nameksak in, asum avekin pusuakkik ahih manin amanlangin tuasumteng laziau uh a, taikhia vingveng uhhi.

Agei ah amukhinkhian khatin tua Pakistan pasal 4 te ii gamtatzia teng namu ahih manin, ataikhiat ciangin agei aom tengtawh na bawhhuanpah uhhi. Venglehpaam ii huhna tawh tua pasal 4 tengpen kiman theipah a, palik te kiangah ki ap cihi.

Video etnopleh: Passers-by foil robbery at ATM, four rob goldsmith

Tua akiman mi 4 te lakah nihpen kilim satkhapian ahih manin alu keh in si tampi luangkhia cihi.

More: Kawlgam Rohingya buaina pen Saudi leh Pakistan tetawh kizom

Tua aliam te pen Universiti Kebangsaan Malaysia Medical Centre ah zatui kibawlding in kipuak a, ahi zongin avek un palik te’n matsa in koih uh a, thubawlding cih kiza hi. Gamdangmi hilai, Malaysian gammi numei khat ii sum suhsawm himawk ahih manin hih Pakistan pasal 4 te thuakding zong baihlo khading hi. ZD Sawltak #zomidaily