Pa Vial Lian Pau (Tungzang) Hong Nusiat Dahpihna Thupuak

Mun tuamtuam a om Tungzang suan khempeuh,
Tu sawng teng a khual a tual ah ei khua kum hoh hi phadiak ahiam cih nop huai phial mawkin Pa Vial Lian Pau, kum 58 in January 24,2015(Saturday) zingsang nai 5:18 hun in a it a zi a tate, sanggamte leh Tungzang khua, sin natna hangin sawt zong na manlo in tawntung mun hong zuat san hi.

Pasian in Tanu 4 leh Tapa 4 thupha pia a, a tapa khat zong tu laitakin a naupa Pa Zam Khaite innkuan thusiamna tawh Malaysia ah omin Pasian’ geelna ci ding hiam Thong sungah a kikep laitak hi sawnsawn hi. Thong sung panin ih pianna pa hong nusiat ih zak ding bel Kha Siangtho hehnepna om lo in thuak hak mahmah ding hi.

Tua ahih manin nidangin zong a dah a kapte aading thu ih nget sak zel a, tutung pen khanglai khat a hih banah Malaysia a om a tapa thong pan a suahtak mengmeng nading tawh ahi zongin, a damlai a tano teng leh Australia a om Pa Zam Khaite innkuan te a lamdangin Pasian’ Kha Siangtho in hong heh nepsak nadingin Thu nget sak ciat ni. Pasian’ Kha Siangtho a lamdang hehpihna hih tungtangah na kilang tahen.

Leitungbup Tungzang Kipawlna taangin,
Note tawh a dah khawm,

Mang Khan Khup
President/TGA