US Maryland pan Pa Kai Lien Khup (Tuikhal, Phiamphu beh) in hongnusia

US Maryland pan Pa Kai Lien Khup (Tuikhal, Phiamphu beh) in hongnusia

Mangpha Pa Kai Lien Khup @ Pa Khup (Kum 64) Phiamphu Beh – Zogam Tui Khal Khuami Baltimore, Maryland, Washington DC area aa ateeng Pa Kai Lien Khup @ Pa Khup in May 22,2020 in Sinnatna tawh hongnusia chih thu izaakmanin ZIUSA kipawlna mintawh dahpihna i pulak hi.

Pa Khup pen USA leitang tunga hong nusia Zomi khat ahihmanin dahpihna lainatpihna lahna in ZIUSA kipawlna in paakkual $150 man khat tawh mangpha khakna kinei ding hi.

Pa Khup Luanghawm tawh anunungpen hunzatkhop ding hong tung ding Thursday May 28,2020, 10:00am in (Lorraine Park Cemetery) 5608 Dogwood Rd, Baltimore, MD 21207 ah Zo Christian Church (ZCC-DC) Pawlpi makaihna tawh Rev. Albert Pau Za Lian in han ah vuina nei ding hi.

Pa Khup Innkuan pih a Zi Tapa thum leh Tanu nih tanau meltheih khuapih tuipih beh leh phung akuamakhempeuh hehnemsiampa Kha Siangtho in alamdangin hong hehnem ciatta hen! Dahpihna Lianpitawh, Mun Mang (Genvai tanupi, Zomi Innkuan USA, Inc.)

Zomi Innkuan Washington D.C Area pan Sih kohna leh dahpihna

Washington D.C Area, Maryland State, Baltimore khua aa ateeng Pa Kai Lien Khup (Pa Khup) (Kum 64) in a om a inn pan in, sawtveipi athuak Sinnatna tawh tuzing sang 8:50am hun in hong nusia ahih manin Zomi Innkuan D.C Area pan nakpi takin kidahpih mahmah hi. Pa Khup pen Zo Christian Church (ZCC), D.C Area ii full member khat hi aa, United Zo Organization, D.C Area ii Advisor pi khat zong ahi hi. Pa Khup hong nutsiat ciang azi Nu Ciin Lawh Nuam leh Tanu 2 leh Tapa 3 te hong nutsiat san ahi hi.

Pa Khup luanghawm tawh kisai hun geelna te Pawlpi leh Innkuan thu nei lam pan ahun hun in hong kizasak to to ding hi.Topan adah akap khempeuh hong hehnem ta hen. Dahna lianpi tawh, Zomi Innkuan Washington D.C Area (ZIDCA)