USA, Kentucky pan Pa Go Suan Lian (Lalta, Suante) in hongnusia
Mangpha Pa Go Suan Lian (Kum 44) Suante Beh – Zogam Lalta khuami USA gam Kentucky State, Bowling Green khua ateng Pa Go Suan Lian in abeisa July 5,2020 in Cancer natna tawh hongnusia chih thu iziak man in ZIUSA kipawlna mintawh dahpihna i pulak hi.
Pa Lian pen Pasian lam honsakna tawh September,2015 in USA a tung ahihi, Pa Lian pen Zomite kipawl khopna Zomi Innkuan Kentucky ah member khat leh ZIUSA Genvai member onglut thukhun pom ni 1/31/2016 akipan tunidong thukhun pom active member khat ahih manin bylaw thukhun zuiin (100%) Death Benefit $15,000 kipiakhia dinga paakkual $150 man khattawh zong mangpha khakna kinei ding hi.
Pa Lian luanghawm tawh anunungpen hunzatkhop ding hong tungding Saturday July 11 , 2020 1:00pm hun in JC Kirby & Son Lovers Lane Chapel ah (ZCC) pawlpi makaih na tawh hunbawlna neihkhit ciang,aluanghawm lei sung ah tuh na Rev.Zam Suan Mung in nei ding hi.
More: USA, Nashville pan Lia Vung Sian Huai (Lalta khuami) in hongnusia
Pa Lian hong nusiatna hanga adahakap azi atanu tapa te leh alungleng khuangai tanau meltheih khem peuh hehnemsiampa Kha Siangtho in alamdangin hong hehnem ciatta hen! Dahpihna Lianpitawh, Mun Mang (Genvai tanupi – Zomi Innkuan USA, Inc.)
Comment piaknop aomleh...