Obama in President tuhkikthei hileng Trump zodingin ki um ing ci

Obama in President tuhkikthei hileng Trump zodingin ki um ing ci

Dec. 27, 2016: Kum kik January 20 ciangin a hun a bei ding President Barack Obama in CNN in a interview na-ah, “Term thumna ding tuh thei lai ding hi leng hong gum ding ka kaikhawm ngap lai-a, America mipi a tamzaw in hong nung thuap ding uh ahih manin Donald Trump ka zawh ngap lai hi,” ci-in gen hi.

Obama in US ah mi tampi leh kei hong langpangte (opponents) nangawn in ka thugen (message) vision leh kalsuanna (direction) man hi hong ci uh hi ci-in Efe reports in suaksak hi.

Obama in Republicans ten a kipumkhat lohna uh beisak zo nai lo uh a, kiteelna ah Trump in gualzawhna a ngah hangin a gualzawhna in America mipite’ kipumkhatna ding sunmang (dreams) leh minamtuamtuam kikal ah kitelsiamna leh kibat lohnate thuak zawhna ding piangsak tuam lo hi ci hi.

More: Obama in “US in IS piannading in kihuh mahhi” ci

November 8 president election ah Hillary in Trump popular vote (mipite vote) million thum val in tam a ngah zawk hangin Trump in Electoral College voting system ah Hillary zo kiau se hi. Source: The Hindu/ Thang Khan Lian