New York ah Helicopter khat kia in mi 2 peuhmah siding kici
USA, New York khuapisung ah Helicopter khat kia in mi 2 peuhmah siding cih Fox News pan kiza hi. Sunday nitaklam in New York City’s East River sungah akiasuk hi ci’n thunei te’n genkhia uhhi.
New York Major’s Spokesperson in Twitter tungah agelhkhiatna ah Helicopter kia cih Police leh Fire Commissioners te’n Major tungah zasak uhhi. Mi 2 siding in ki ummawh in, tuisung ah Divers te’n azonsan laitak hi ci’n gelhkhia hi.
Federal Aviation Administration te’nzong Roosevelt Island geinai ah Sunday nitaklam 7pm hunpawl in Helicopter khat kiasuk hi. Tua akia Helicopter pen Eurocopter AS350 hi a, ki lumleksuk in tuisung ah tumsuk cihi.
Video: Helicopter akiasuklian laitak akizaihkha Video tomno khat
@cnn @FoxNews just witnessed a helicopter crash into the East River .. hope everyone’s ok. Caught it all on tape! pic.twitter.com/saHOMTLR69
— JJ Magers (@JJmagers) March 11, 2018
New York Post te genna ah tua akia Helicopter (Chopper) pen Tour Helicopter khat hi ci’n genkhia uhhi.
NYPD leh FDNY te’nzong Rescue Operations pen akisepsan laitak hi ci’n genkhia uhhi. Hih Helicopter sungah mi 6 bang atuangding in ki ummawh a, akiatsuk khitzawh nai 2 phialkhit ciangin mi 3 ki honkhiathei hi.
More: Mexico gamsung ah Helicopter khat kia in mi 13 si, 15 liam
Tuisung panin adang khatzong aki kaikhia kamu hi ci’n Witness khatin genkhia hi. Hih vanleng akiatna ahangpen kitheician nailo in, thunei te’n akansan laitak ahihi. Breaking News ahih manin, athu ki behlap kikheltheilai hi. Theihbehhuai aomte ki Update totoni. Sawltak #zomidaily
Comment piaknop aomleh...