Nurse khat apummatgawp US Police Officer pa nasep ki khawlsakta
USA, Utah State sung aom Hospital khatah Nurse khat kolbulh in, zawhthawh bawlgawp in akaikhia Police Officer papen nasep kikhawlsak “fire” ta cih Reuters pan kiza hi. Tua palikpa minpen Detective Jeff Payne hi a, Police Department Policies te palsak ahih manin, anasepna panin October 10 ni in kikhawlsak hi ci’n Salt Lake City Police Department te’n pulakkhia uhhi.
Police chief Mike Brown in hih palikpa khawlsakna lai “Termination Letter” sungah agelhna ah palik asemlai dingin nangtung ah muanna kong neinawn kei hi cimiau mawk hi.
Tuaban ah na gamtana hangin Police Department pen hong mindaisak, vangkiamsak mahmah hi. Palik nasepzawh pen kum 27 bang hikhin himahleh, na nasepzia pen picinvai hetlo, Professional vai hetlo hi.
Tua ahih manin, na gamtatna leh nahihna tepen mipi te ahubitding in kituaklai mahhiam cih etphat kul a, na gamtatzia pen etlawm hetlo, zumhuai mahmah leh minawngkaisak khat suakmawk nahih manin, nasep hongki khawlsak hi ci’n Police Chief in genkhia hi.
Panmun leh thuneihna “za” ihneih laitak in, Power Abuse in ihgamtat, ihzatkhak lohding, hih thuthang in lam honglak hi. Athupiang akicingzaw in na theihnopleh, anuai ah aki suaksaksa nasimbeh in. Sawltak #zomidaily
US Police khatin Nurse khat apummatgawp laitak Video ki khahkhia
US gamsung ah palik te’n Nurse khat thagum tawh zawhthawhthu in amatlaitak Video Clip khat ki khahkhia in, Social Media ah ki thehzakpah zihziah hi. Tua Video Footage pen Utah State, Salt Lake City aom University Hospital sungah aki Record ahihi.
Abeisa July 26 ni in Detective Jeff Payne ii Body Camera panin aki Record kha Video hi a, tua zato ah Nurse asem ahi Alex Wubbels akimat laitak Video ahihi.
Detective Jeff Payne in tua Nurse nu kiangah cina khuaphawklo khat ii asisan Blood Sample lakding in sawl uhhi. Ahi zong University Hospital’s Policy sungah cina khuaphawklo khatpen sisan kimawk laksaktheilo hi.
Akiman Under Arrest ahih keileh Warrant aom keileh khuaphawklo cina te ii sisan ki lakkhiatsak theilo hi ci’n Nurse in agenkik ciangin Detective Jeff Payne in thumanglo ci’n pummatmawk hi.
Salt Lake Tribune te’n genkhiatna ah hih University Hospital’s Policy sungah khuaphawklo cina khatpen cina te ii phalna Patient Consent, Under Arrest, Warrant cihte thumlak ah khatzawkzawk aomkeileh sisan ki mawklaksak theilo cihi.
Video sungah Nurse nupen akitomgawp hangin Detective Jeff Payne in thazawh mahmah ahih manin, pumletcip in innpualam ah kaikhia a, akhut koltawh bulhsak hi.
Nurse nu in banghang hongman nahiam? Bangmah kasepkhialh, kamawhna omlo hi ci’n awngkawm in, khatpeuh in honghuh un civangbang hi.
University Hospital panin adangnasem Staff nih te’nzong Detective Jeff Payne kiangah hihbang in matpah kullo hi ci’n genphei uhhi. Ahi zongin Detective Jeff Payne in Nurse Ms Wubbels pen akiman hita hi, Under Arrest hi ci’n dawngkik hi.
Video: Caught On Video: Nurse Dragged From Hospital By Police
Police Station te genkhiatna ah Nurse asem ahi Ms Wubbels pen ki mansuaklo in, ahi zongin mawtaw sungah Detective Jeff Payne in minute 20 sungbang kemcip hi ci’n genkhia uhhi.
Ms Wubbels in agenkhiatna ah Detective Jeff Payne pen thu bawlding in bangmah kabawlkei a, ahi zongin hih Police Officer te’n khuasung mipi Community, Society te tungah bang mawhpuak nei uhhiam cihpen kuppihhuai, theihsak huaihi ci’n genkhia hi.
Salt Lake Police paninzong thunei te’n thuumna nei uh a, hihvai hoihtak in ki kankhiading hi ci’n genkhia uhhi.
Related: Penang ah palik kineih pasal khatin Kawlgammi numei khat bawlsia
US Police te sungah amaitat gawpgawp pawlkhat omleh kilawm hi. Zanni inzong Video Clip khat hongki khakkhia in, US Police khatin mivom tebek ka kaplum uh cimawk ahih manin, tua Police Officer papen anasep kikhawlsak cih thuthang khatzong kiza hi. Sawltak #zomidaily
Comment piaknop aomleh...