Video: Nute’ Ni nupi honkhat damiah ataihsawmpa nupi khatin thautawh kaplum
Migilo damiah guta te’n nupi naupang tawh akithuah cihkhawngpen ngimbawl phadiak uhhi. Nupi honkhat naupang pawlkhattawh lamgei ah adinlaitak thautawi pasal khatin damiah taihsawm a, ahi zongin ama upmawh nabangziaulo hi.
Tua nupihon lakah khatnupen Police Officer khat nahi gige a, Off-duty ahih manin Uniform asilhlo nahi gige hi. Tuabangin amailian ah damiah akitaih ciangin tua Uniform silhlo Police Officer inzong athaupuak lakhiapah in, tua damiahpa pen kaptukpah velval hi.
Hih thupiang pen ageinai aom Security Camera panin Record kibawlkha ahih manin, Facebook ah ki khahkhiapah hi. Video sungah pasalno khangno khatin nupi honkhat lamgei ah adin ngeingai laitak un thautawh ngimphei hi.
Nupi pawlkhat laulau in taikek ngeingai uh a, pawlkhat mawtaw sungah lutin atate ahuttheih nadingin hanciamtek uhhi.
Tua nupite lakah puan asanpian T-shirt asilh khatin Bag sungah athaupuak kaikhia in, tua damiahpa kappheipah hi. Damiahpa atukkhit ciangin delhphei in, athau abatloh dingin suilhpheisak a, manpah hi. Tuaban ah aliam damiahpa pen agiltawh akhuplup dingin thupia hi.
Video: Security cameras captured the moment when a young man pulled out his gun when approaching a group of parents with kids on the sidewalk. Terrified mothers can be seen rushing away and hiding in cars to protect their children
Tua numeinu pen Police Officer ahihlam akhuanung ah kipulak a, aminpen Katia da Silva Sastre kici hi. Brazil gamsung aom Sao Paulo ah thupiang hi a, tua Police Officer pen atanu kum 7 aphapan khattawh Nute’ Ni “Mother’s Day” kibawlna pawikhat ah apaikhawm uh ahihi.
Tua damiah ataihsawm aliampa pen Sao Paulo khuasung aom Santa Casa de Suzana Hospital ah kipuak himahleh aliamma tawh zato ah sihi.
More: Brazil ah numeikhat asi kisa in kivuikhial, ni 11 khitciang kitheikikpan
Brazil, Sao Paulo Governor inzong hih thupiang azak ciangin Police Officer nu ii gamtatna pen kipak mahmah hi. Nupinu ii hangsanna leh ahunlap in agamtatna hangin nupidang tampi leh naupang tampi te ii anuntakna ahonkhia ahihi ci’n Sao Paulo Governor Marcio Franca in ama Twitter tungah gelhkhia hi. Nute’ Ni ahzong Nute mahin mitampi nuntakna honkhia hi. Sawltak #zomidaily
Comment piaknop aomleh...