Switzerland ah nupa kopkhat amancipzawh kum 75 ciangin aluanghawm kimupan
Switzerland gamsung ah abeisa kum 75 hunlaipek in amangcip nupa kopkhat te ii aluanghawm ki mukhiakik cih AFP pan kiza hi. Tua nupa tepen abeisa 15 August 1942 hunlaipek in amangcip uh hi a, akizonzon hangin kimuzo vetlo hi. Gamsung ah gancing in apaina panin amangthangcip kici hi.
Ahi zongin tuate ii aluanghawmpen Swiss Alps tuikhal kawmlak ah kimukhiata hi ci’n Swiss Media te’n pulakkhia uhhi. Glacier 3000 ski resort panin thunei khatin agenkhiatna ah tua nupa te ii aluanghawm pen abeisa Thursday ni in aki mukhia cihi.
Swiss Alps tuikhalkawm ah aki mukhia hi a, anikteen puansilh tepen abeisa Second World War hunlaipek in akisilh te ahihi. Tuikhal kawmkal ah awkcip, kiasuk uh hiding in ki ummawh a, tua tuikhal tetawh hoihtak in ki bilhcip ahih manin aluanghawm zong asiatding zahin sialo cihi.
Tua tuikhal te khuahun siatna, khuahun lumna hangtawh tuisuak in aki nilkhiat ciangin hih abeisa kum 75 hunpek in amangcip nupa te ii aluanghawm aki mukhia ahihi.
Hih nupa te’n ta pasal 5 leh numei 2, akigawm in ta 7 anei uh ahihi. Anu apa amancip ciangin kizongzong in, kimuzo mahmahlo ahih manin atate pen tagah kepna “Foster Homes” khatah kikoih hi.
Tua atate lakah Marceline Dumoulin akicipa pen anu apa amancip in kum 4 bekbek hipan hi. Tuapa ii genna ah ka khantawn un tawlngalo, tatsaklo in kazonzon uh, bangthu pianghiam cih katheihnop mahmah uh kanu kapa thupen akician in theikhia taktakta kahih manun lungkim mahmah ung ci’n genkhia hi.
Video: 75 Years After Disappearance, Couple’s Frozen Bodies Found On Glacier In The Swiss Alps
Nikhatni ciangin kanu kapa te amau adingin sihvuina “Funeral Service” khat bawlsak theiding cih ka lamet mahmah uhpen, tu’n bawlsakthei taktak tading hi ung ci’n atanu kum 79 aphakhin Marceline Udry-Dumoulin inzong genkhia hi.
Kanu kapa te sihvui hunpawlna ah puanvom peuhmah siksawm vetkeng, puan akang sitset sikding hi’ng. Banghanghiam cihleh puankang in lametna cih limlak a, abeisa kumsawtpi lamet beilo, lametna tawh kazonzon uh kanu kapa te luanghawm muta kahih manun, Funeral Service ah midang te silhbang in puanvom silhlo in, puankang kasilh dinghi ci’n genkhia hi.
Related: American Singer “Ariana Grande” in Manchester ah Concert abawl laitak puakkham, mi 19 si, 50 liam
Kum 75 sung azonzon uh anu apa te luanghawm mukhiata, a tate bangzah in alung akimzen tam?
Abeisa in amangthangcip Malaysia Airline MH370 tungah atuangkha Passengers te ii innkuanpih te thuakdan tawh kibang khading hi. Simaw, hingmaw cih theihcianna omlo in, leitung ah kikhenpen thuakbaih hetlo khading hi. Sawltak #zomidaily
Comment piaknop aomleh...