Nungak kum 106 aphakhin khatleh tangval kum 66 aphakhin khat kiteeng

Nungak kum 106 aphakhin khatleh tangval kum 66 aphakhin khat kiteeng

Zineih pasalneih cihpen ziakailua cihbang omlo hi. Brazil gamahzong nungak kum 106 aphakhin khatleh tangval kum 66 aphakhin khat kiteeng giaplel uhhi. Zinei nailo, pasal neinailo te lungkiatding hipeuhmahlo hi. “Never too late for love”

Nungaknu minpen Valdemira Rodrigues de Oliveira kici a, kum 106 bek phapan hi. Tangvalpa minpen Aparecido Dias Jacob kici a, amahzong kum 66 bekmah phapan hi. Na lawmngaihnu, na lawmngaihpa akum tamlua ahih keileh akum tawmlua cikhakei in, hihte nupa zong kum 40 bekbek kikhailel uhhi 🙂

Hihte lawmta pen “Retirement Home” ci’n nasep nawnlo, Pension lakkhiatciang piteek puteek te kikepna panin aki ngai uh hicitciat se hi.

Brazil gamsung Pirassununga khua aom “Nossa Senhora Fatima” kici Retirement Home panin aki muhcil uh, 2014 kumpek panin aki ngai uh ahihi. Khangno te’n ettehhuai mahmah hi. Sunkhat zankhat kithuah in aki ciahpihziau te hilo uhhi. Kum 3 bang aki ngaihkhit uhciangin ciampel hetlo in akiteeng uh hizen hi. Bangzah in etteh huaihiam?

Aki muhcil phet un kizahtak khinkhiantuak uh a, maizum thuaithuai mahmahtuak uh hihtuaklai hi. Khatleh khatzong hoihtak ki en ngamtaklo in, amit uh kituah khaleh maizum mahmah hihtuak sawnsawn hi.

Tangvalpa pen hih Retirement Home ah atunzawh kum 19 bang hikhinta a, amahpen akhut aveilam pen Paralysis ngahkha, akhutzaw citciat hi. Ka mutcil phetin ka lawmnu pen kamit hongla mahmah in, ka ngaitheipah cihi. Kakum uh ahihleh tawmkha kikhai khamah inteh, ahi zongin kum kikhaipen thupikei cilianlel hi.

Nungdiak in hihte nupa pen kiteeng taktakta uhhi. Mopawi nasiatak in bawlgiap uh a, mipi zong 150 valbang mopawi simthei uhhi. Lingpakpalh sansilsial akitheh zihziah, Hall sungah Nungaknu honglutphei hialhial laitak in “Live Band” te’nzong aminthang mahmah “Wedding March” kici mopawi music natuam ziahziah uhhi.

Mopawi Cake ahih keileh Wedding Cake zong nasiabawl mahmah uh a, “Four-tier Cake” ci’n thuapli bang phasak uhhi. Mopawi Hall sungkhempeuh pak namtuamtuam tawh zenkhengkhang uh a, etlawmsak mahmah uhhi.

Anunglam panin Nungaknu damtak in aciangkhut tawh hongpaiphei hiathiat in, mipimai atun ciangin Tangvalpa in nadawntuahpah leklek hi. Pastor pa ii “You May Kiss the Bride” acihte zong ngakman nawnlo in, Tangvalpa in Nungaknu amai ah atunphei phetin adekbul pan akhut taklam tawh namanpheipah a, hongki Kiss tamai uhhi 🙂

Hih Nungaknu leh Tangvalpa tepen zi leh pasal anei ngeinai vetlo hilai sawnsawn uhhi.

Aki teenkhitzawh uh Minute khatzong hongkhenzo kei nuteh cilian uh a, aomna apaina khempeuh uhah kithuahkhawm hialhialden uh cimawk hi. “Kasih uhlehzong sikhawmding hi ung” cilaizen uhhi.

More: Puteek khat numei kizuak khattawh aomkhop laitak si in awksuak

Guai…. zi neinailo, pasal neinailo lawmte na lungkia hetkei unmaw 🙂 Zi neinailo, Pasal neinailo nalawm te na Share sawn unmaw hehehe ZD Sawltak #zomidaily