Numeikhat na hihleh

Numeikhat na hihleh

Anhuan mehhuan siamsawm in. Hihpen na pasal leh na tate a’ding cihna hipahlo hi. Leitung nuntakna sungah i nulehpa tawh i om nawnloh ciangin i an ding i meh ding i huantawmkul ta hi. Tuahun ciang nanglenang na din zawh nading a hihi.

Sumlut ngah nasep khatpeuh sem in. Hipen tangval te’n hong deih nading leh na pasal leh na tate na vakzawh nading cih hilo hi. Na kisap khatpeuh, na duhkhat peuh, na deihkhat peuh na leinop ciangin mi mai ah na kunloh nading a hihi. Sumlut na neihkei leh mi te na enn hun hong omkha ding hi. Lam sial khol in.

Kizep kipuah siam in. Hihpen tangval khatpeuh a hihkeileh na pasal peuh ii hong pahtak ding deihna hilo hi. Koikoi ah na pai a, bangbang nasem zongin ki puah sitset in, puansiang silh lecin na lungsim khamuanna hong behlap dingaa, vang hong neisak ding hi.

Piakkhatna hat in. Tangval khatpeuh in hong pahtak ding, mikhat peuhin gamtathoih hongsak ding cihna hilo hi. Na mailam ah a nuam nuntakna na deih manin mizawng, mi ci mawh te ahuh na hibek hi. Nangma lungdamna ding, na khantohna ding a semsem na hihi.

Zingthobaih in. Pasal khatpeuh in hong pi muhna ding hilo hi. Na pasal leh na tate hongpahtak nading zong hilo hi. Zingthobai in nasep ding te sem lecin na ngimna na tungbaih ding hi. Na masuan hong ki hong dingaa, na lungtup hong tunbaih zawk nading a hihi.

Numei na hihmanin gamtathoih leh hanciamna nei den inla a hizong tuate mite’ mai na muhnopman hilo a, nangma khantonna ding, kilapsang nading hi ci in thei in. Siamsin Library