Numeikhat Internet lawmngaihpa’n kimuhpih nuamlo ahih manin inndawnpan tuahsawm

Numeikhat Internet lawmngaihpa’n kimuhpih nuamlo ahih manin inndawnpan tuahsawm

Singapore gamsung aom numeikhat leh Taiwan gamsung aom pasal khat Internet tungtawn in kithei uh a, “Online Lover” ci’n Online tungtawn in kingai uhhi. Tua Singapore numeinu pen alawmpa tawh akimu dingin Singapore pekpanin Taiwan ah vanleng tawh valeng tautau a, ahi zongin alawmpa tawh kimutheilo ahih manin, khasialua in amahleh amah ki thahlupsawm, Suicide sawm cih Taiwanese Media te’n genkhia uhhi.

Tua Singapore numeinu pen kum 37 aphakhin khat hi a, aminpen “Ms. Chew” cihbek in kithei hi. Hih buaina thupiang vaitawh kisai in Singapore Ministry of Foreign Affairs (MFA) te’nzong theikhin in buaipih uh cih Straits Times te’n genkhia hi.

Buaina apianni pen Thursday (Dec 28) ni hi a, Taiwan gamsung aom Taoyuan City sungah sunlam 12:30pm hunpawl in thupiang ahihi.

Ms. Chew kici numeinu pen Zhongli District’s Yanping Road aom mawtaw koihna Multistorey Carpark ii atungdawn panin amahleh amah ki thahlupsawm, tuahkhiatsawm hi ci’n Shin Min Daily News te’n genkhia uhhi.

Tua Mulitistorey Carpark pen inndawl 5 (five-storey) asang hi a, tuatung panin lenkhiatsawm in dingvelval hi. Tuabang in aomlaitak akimuh ciangin Taiwan Police te kizasak pahhi. Police tezong tuaphual ah Civil Defence Force tetawh amanlangin delhpah uhhi. Meiphelh mawtaw Fire Engine khatzong keng uhhi.

Aphual atun ciangin Ms. Chew pen alungsim linglawng in aomlaitak ahih manin, ageinai nehtheihlo uhhi. Tuaciang in kumpi thunei te’n damdam in zolbawlbawl uh a, innkhumdawn ah lamzikpi nungngaksa in tusakthei uhhi.

Video: Singaporean woman flies to Taiwan to meet online lover, attempts suicide when he fails to turn up

Tuabang in lamzikpi nungngaksa in atut laitak in anunglam panin meiphelh mawtaw tawh tui khauhtak in kapsak uh a, tua Ms. Chew pen amailam ah tuksuksak uhhi. Tualaitak in ageinai aom thunei te’n amanlang in delhphei in lenkipthei uhhi. (meiphelh mawtaw azatzia ngaihsutsiam mahmah)

Tuaciang in Officers te’n ahonkhiat khittheih phetin amanlang in zato ah puakpah uhhi.

Taiwan News Outlet khat ahi Liberty Times Net te ii genkhiatna ah hih Ms. Chew akicinu pen Online tungtawn in pasal khattawh kingai uh cihi.

More: Taiwan numei khat alupnasung buahbanglua mahmah ahih manin alawmpa tawh kikhenlawh

Tua alawmngaihpa pen Taiwan ah ka om ci ahih manin, tuapa tawh akimuding in Singapore pekpan in apai vingveng hi a, ahi zongin Taiwan atunkhit ciangin alawmpa’n kongki muhpih nuamkei cimiaumawk ahih manin, khasia mahmah hi. Anuntak sangin sinuamzaw ahih manin, Carparking inndawn ah kahto in atuahsuksawm, aki sihbawlsawm cimawk hi. “Internet natna” ihcihcih hikan hiloding hi, Internet in sihna dongah hong tunpihthei himawk hi. Zomi nungak tangval tuailai te’n Internet zatsiamni. Sawltak #zomidaily