India University khatah Drill kisinna abawllaitak numeikhat inntungpan kisawnkhial in sihlawh

India University khatah Drill kisinna abawllaitak numeikhat inntungpan kisawnkhial in sihlawh

India gamsung aom University khatah tuahsiatna khatpeuh aomciang bangci ki hotkhiatding cih “Bungled Training Exercise” ki bawlpih hi. Tuabangin kisinna aneihlaitak in asiapa “Drill Instructor” in University sangnaupang numeikhat inntung dawlnihna panin sawnkhia in akiltawh alu kisatkha ahih manin sihlawh cih AFP pan kiza hi.

Tua University sangnaupang numeinu pen kum 19 aphakhin khat ahihi. Drill Instructor pa in tua sangnaupangnu asawnkhiat laitak Video sungah kiciantak in ki muthei a, mulkimhuai mahmah hi.

Sangnaupangnu pen inntung dawlnihna panin alengsukding hi a, anuai atuksuk ciangin bangmah liamna aomloding in “Crash Net” kici ngentawh sangnaupang honkhat in apang ngeingai uh ahihi.

Tua sangnaupang numeinu pen atuahsukloh ciangin asiapa Drill Instructor in anungpanin sawnkhia hi. Utlo, laupipi in aom numeino asawnkhiat ciangin huihlak ah kipeipian ahih manin, numeino ii alu leh Concrete innkeu ki satsukkha citciat hi.

Anuai ah Crash Net tawh angak, apang te’nzong acihnading theituanlo in, tua numeino pen anuai atuksuk ciangin alu khaangkham in, sisuakpah liuleu hi.

Tuabangin Drill aki bawllaitak Video Clip pen Social Media ah ki thehzakpah a, Drill Instructor pazong kimanpah hi ci’n Indian Officials te’n zanni Friday ni in genkhia uhhi.

Video: Indian police have arrested a drill instructor who pushed a university student from the ledge above the second floor of a building to her death during a bungled training exercise, officials said on Friday (July 13). Horrified onlookers watched as the 19-year-old struck a concrete landing after being shoved off a ledge by the instructor.

Southern Coimbatore City sung aom Local Police Officer khatin AFP kici “Agence France-Presse” Agency te tungah agenkhiatna ah hih tuahsiatna tawh kisai in kua in Drill vaihawmhiam cih kikankhia in, tua amakaih Trainer zong kiman khiapahhi ci’n genkhia hi.

Inntungpan sawnkhiat athuak numeinu pen alu leh a ngawn liamgawp in tuatawh asihlawh ahihi. Trainer papen ama kiciatlohna, gitnatlohna hangin asihlawh ahih manin thu kibawlding hi ci’n Officer pa’n genkhia hi.

NDMA akici “National Disaster Management Authority” te’nzong hihbangdan Mock Disaster Drill pen akibawl nadingin thu kapiakei uhhi ci’n genkhia uhhi.

Tuaban ah tua Trainer pazong Drill avaihawm amakaihding in NDMA panin phalna omlo hi ci’n thunei te’n genkhia hi.

More: India, New Delhi ah innkuan mi 10 tak innsungah aki khailumsa in kimu

Tuaban ah tua Drill amakaih Instructor papen tuabangdan Mock Disaster Drill bawltheih nadingin phalna angah hilo hi ci’n Local Media te’nzong genkhia uhhi. College thunei te’nzong kumpi thunei te tungpanin hihbangdan Drill bawlnading in phalna ngenlo cih kiza hi. Sawltak #zomidaily