Malaysia ah kum 17 aphakhin numeikhat asanggam pasal 2 te’n buanhuan

Malaysia ah kum 17 aphakhin numeikhat asanggam pasal 2 te’n buanhuan

Malaysia, Sabah State, Papar District sungah kum 17 aphakhin numeikhat asanggam pasal 2 te’n buanhuan cih theStar pan kiza hi. Tuabangin buan athuak ciangin tua numeinu in anu kiangah genkhia himahleh anu in thudon saklo in koihcip sakziau hi.

Tua ciangin buan athuak numeinu in asanggam numei khatkiangah genkhia leuleu a, tuaciangin asanggamnu in Police Station ah Report bawlpih hi.

Hih thupiang pen abeisa June 06 zingsanglam 2am hunpawl in thupiang hi a, asanggamnu abuan pasal 2 tezong Police te’n mankhinta uhhi.

Hihvai tawh kisai in palik thunei ahi Papar police chief Deputy Supt Ladamah Sulaiman in agenkhiatna ah asang laiguizom tektek abuanhuan pasalno 2 tepen kum 20 gualpawl hi uh cihi. Tua asanggamnu uh abuanna munpen amau innsung, Living Room ah abuanhuan uh hi a, tuahun laitak in anih un zukham mahmah uh cihi.

Buan athuak numeinu ii genkhiatna ah amahpen Living Room ah alum hi a, tualai ah asanggam pasal 2 te’n abuanhuan hi ci’n Friday ni in Press Conference ah genkhia hi.

Tua numeinu pen a innkuanpih te zakdingin a otzawkgawp theihloh nadingin asanggam khatpa in akam humcipsak hi. Tualaitak in asanggam khatpa in abombi, puansungsilh te temteh “Scissors” tawh teptan in tuakhit ciangin zawhthawhthu tawh buangawp cihi.

Hih thupiang pen zingsanglam 2am hunpawl in thupiang ahih manin, tuahun laitak in a innkuanpih adangte avekin a ihmut laitak uhhi ci’n Police te’n genkhia hi.

Hihbangin asanggam pasal te’n tua numeinu zawhthawhthu tawh abuanpen akhatveina hilo hi. Kum 12 aphak hunlai inzong asanggam pasal te’n 2 veitak buanngeikhin uh cisawnsawn hi.

Tuahunlai inzong asanggam te’n abuan ciangin tua numeinu in anu kiangah genpah hi. Ahi zongin anu in bangmah thupi simsaklo in tuaci koihcip sakziau cihi.

Ahi zongin tunai buan athuakkik ciangin tua numeinu in asanggam numeikhat kiangah genkhia in, tuaciangin Police Report abawlpihpah ahihi. Hihte innah thusitna aneiding in Police honkhat paipah uh a, mibuan te vanzat Scissors leh buan athuaknu ii apuansilh pawlkhatzong thukanna ah zatdingin kepsak uhhi.

A sanggamnu abuan tegel pen Police te’n mansuakpah uh a, thusitna neihlaiding in kemcipphot uhhi. Tua mat athuak asanggamte nihlak ah a uzawpa pen khamtheih zatui Drug azang ahihlam zong kitheikhia hi.

More: Malaysia, Penang ah kum 15 aphapan atanu buanin agaisak papi khat kiman

Hih thupiang tungtawnin Police Chief in nulepa te’n tate thugenpen limtak ngaihsak unla, akisam bangbangin vaihawmsak pahpah un. Gitloh gamtatna “Crime” khatpeuh na tate un hong genleh ahunlap in huhpah, panpihpah un ci’n mipi theihding in genkhia hi. Nulepa te’n ngaihsut huai hi. Sawltak #zomidaily