Meileng tungah numeikhat anikbawknuai pan Video azaihsim pen sangsia cimawk
Singapore gamsung ah pasal khutthak, ommawh khatin meileng tungah numei khat anikbawknuai panin Video zaihsak a, tua azaih laitakpen midangkhat in namu in Video nazaihsawnkha citciat hi. Tua Video Clip pen nungsungteng Social Media ah ki thehzakin Facebook tungahzong minthang mahmah hi.
Tua Video azaihpa pen Singapore Police te’n kanpah uh a, Xinmin Primary School ah PE Teacher asemkhat kicimawk hi. Mihai mimawl nahilozaw in, sangsia khat nahi sawnsawn hi.
Tua sangsiapa’n Singapore MRT meileng sungah atuanlaitak in a Phone toktok hi. Tuakhit ciangin anunglam Rear Camera honsa in, akhutkhai thongkuah tungah koihhi.
Tuabang in Video Record abawlsawm laitak akiim apam khuadawk kawikawi hi. Tualaitak in ageinai ah numei nikbawktom ateengkhatin nehpheilian a, amahzong akhutkhai tungah Phone Record akoihsa ahih manin, numeinu kalkawmteng azaihkhading in nehpheisak hi.
Tuabang in agamtat laitak midangkhat in Video nazaihkha citciat ahih manin, tua Video Clip pen nungsungteng Social Media ah aki thehzak ahihi.
Singapore STOMP te’n hihvaitawh kisai in Xinmin Primary School te kiangah adot uhciangin tua sangsiapa pen tulaitak Leave alak laitak cihi. Police te’n akancian laitak hi a, akisambang in thunei te’n thu bawlding uh cihi.
Singapore Police te’nzong hihvai tawh kisai in Police Report kibawlkhin a, aki kanciansan laitak hi ci’n genkhia hi.
Related: Selayang aom Homestay numei kisilbuk sungpan Spy Camera ki mukhia
Singapore gamsung ah numei te’n nikbawk tomteen phadiak ahidiam, Upskirt Video ci’n anuaipan azaihsimnuam tamphadiak leh kilawm hi. Nunglamdeuh inzong Kawlgammi khatin Singapore gamsung ah numeikhat Upskirt Video zaihkha ahih manin, thong kiatlawh ngei hi.
Technology khangto semsem ahih manin, numei pasal omdan leh gamtatzia kidop huai hi. Ih gamtatna khempeuh Pasian bekthamlo, leitung mihing te’nzong CCTV panin hongmu gige theihi cih phawk huai hi. Sawltak #zomidaily
Comment piaknop aomleh...