Huhna ngenin apai numeikhat palik khatin anawi Photo nazaihsaksim

Huhna ngenin apai numeikhat palik khatin anawi Photo nazaihsaksim

Hamsatna tuak ahih manin Police Station ah Report bawlding in apai numeikhat, Police Sergeant khatin atheihlohkal in anawi tunglam Cleavage Photo nazaihsaksim ahih manin tua palik azaihpa thu kibawlding cih Oriental Daily te’n genkhia hi.

Social Media ah aki khahkhia Photo pen nih ahihi. Tua Photo sungah numei puanvom asilhkhat Police Station ah Report bawlin aom laitak kici hi. Hih thupiangpen Hong Kong, Tsim Sha Tsui Police Station ah ahihi.

Internet azang mipi Netizens te’n hih Photo nihte amuh uhciangin hihpeuhmah palik khat ii zaihsim hiding cipah ngeingai uhhi. Banghanghiam cihleh tua numeinu pen Police Station aom Counter ah atut laitak hi a, asungpan in azaihtheiding pen palik tebek omding kicipah hi.

Hih Photo tepen Police Officers tebek ii kithuzakna WhatsApp Group sungah aki khaksawn uh hihtuak a, tuapan in mipi te muhdingin Online ah hongkehkhia hiding kici hi.

Tua Photo azaihsim dingin aki ummawh Police Officer papen ama naseppan ki khawlsakphot a, akisam bangbang in Disciplinary Action kilading hi ci’n Oriental Daily te’n genkhia uhhi.

Hih Photo akizaihna Tsim Sha Tsui Police Station ah photo azaihpa bekthamlo, tuani in Duty alutkhempeuh avek in thusitna thuakpah uhhi. Tuabek thamlo Police Officer khatciat tungpanin Statement kilapah cihi.

Tua Tsim Sha Tsui Police Station ah akikoih CCTV tezong hoihtak in ulian thunei te’n asitkik nadingin thu kipia kici hi.

Hong Kong Police Stations khempeuh ah Photo ki zaihtheilo ci’n kiciantak in mikhempeuh in amuhding in lai akisuang ahihi. Pawlkhat te’n Hong Kong Police Station khempeuh “No Photo” ci’n akisuang pen khuasung mipi Public tebek in Photo zaihtheilo acihna ahiam ci’n akheldotdot zong om uhhi. Banghanghiam cihleh tutung buaina pen Police Station sungah Police Officer khatin Photo azaihsimna hangin akibuai ahihi.

Hih Photo sungah anawi aki simzaihsak pen Chinese numeikhat ci a, Hong Kong ah ahawhsung in Credit Card Transaction vaitawh buaina om ahih manin palik te kiangah huhna ngendingin apai, Police Report abawl cihi.

More: Hong Kong Shopping Mall sung aom Escalator khat lehtaigawp in mi 18 liam

Hong Kong Police Spokesperson khatin hih thupiang pen amanmah hi a, akisam bangbang in kancianna kinei totolaiding hi ci’n genkhia hi. Police Officer khatin “Police General Orders” thukhun apalsatleh kum 5 sungpen za khangtheilo, Promotion omtheilo cihi.

Deklam tuktum gal suakthei, ihmuan ihsuan penzong gal suakthei acih khanglui te paunak pen hihtepawl zong acihnopna hikha ngelngel dinghi 🙂 Sawltak #zomidaily