Pasal khat Bus sungah numeikhat ii khuktungah kitattat ahih manin, acilbu tuatsakziau
Chinese pasal khatin Bus tungah atuanlaitak akalkawmteng amai ah atu numei ii khuktungah vatattat ahih manin, tua numeinu’n zong acilbu tuatsakziau cihi.
Hih buaina Incident pen China, Henan Province, Luoyang khuasung ah thupiang ahihi. Tua pasalpa ii agamtatna pen Bus tungah akithuah CCTV panin naki Record kha ahih manin, tua Video Clip pen Chinese Social Media tengah ki thehzakpah zihziah cihi.
Tua video clip kikhahkhia sungah amasa in tua pasalpa pen tutna khatah atu ahihi. Tua atutna nusialiang in, dingkhia a, numei khat ii amailian ah vadingphei citciat hi.
Tua numeinu pen amahguak atu hi in, Mobile Phone khattawh buaimahmah hileh kilawm hi. Tawmvei khitciangin tua pasalpa pen numei tutnatawh kinehphei tektek in, anunung ah numeinu ii akhuk tawh akalkawm teng ki tatpheisak hi.
Tua numeinu inzong aphukha mawkmawk hilo, ngimngim in atatphei ahihlam atheih ciangin thakhat in pasalpa cilbu teng tuatpheisak pahhi.
Tuabektawh phasaklo in, Police te Phone tawh sampah in, Report bawlziau hi. Police tezong asawtlo in hongtungpah uh a, tua pasalpa pen mankhiapah uhhi. Tuapa pen ni 5 sung thong kikhum cihi.
Related: China ah Bus tuahsia in mi 36 in sihlawh, adangzong mi 13 liamgawp
Hih Video tungtawn in, ih gamtatna khempeuh hongki musim khinkhian cih phawkdet huai a, kidawm in gamtatding thu honghilh hi. Numei te’nzong hongki simmawh, hongki nopnehleh pumthuakthuaklo in, huhna akisapleh ngenin thuhkikpah leklekding kisam hi. Tuhunciang numei tezong siamna ahiciangkhat theihkultuak tamawk hi. Sawltak #zomidaily
Comment piaknop aomleh...