Numei te pahtawina in Australia ah limzikkanna Traffic Lights te numeilim tawh kilaih
Khuasung lamzikpi te ah khetawh apaite lamkan nadingin in akibawlpen “Pedsetrian Traffic Lights” kici a, pasal lim vive ki tuangsak hi. Ahi zongin numei leh pasal liangko kikim, ki khentuamna omlo cih lahnopna in Australia, Melbourne khuapisung aom Pedestrian Traffic Lights pawlkhat pen numei limtawh kilaih cih AFP News pan kiza hi.
Tuni zong leitungbup numei te ni “International Women’s Day” hi a, tua Pedsetrian Traffic Lights te akilaihvai Officials in tuni tawh akituak in pulakkhia uh cihi. Hihpen numei leh pasal liangko kikim “Gender Equality” cih lahnopna in akilaih ngiat ahihi. Nisim in akimuden pasallim Iconography panin numeilim akilaihna hangin Unconscious Bias kiamsak tuamding in kilamen cih Advocacy Group The Committee of Melbourne pan Martine Letts in ABC (Australian Broadcasting Corporation) te tungah genkhia hi.
Ahi zongin hih lamzikkanna ah akithuah numei limpen pawlkhat in ahoihmuh uhhang in, pawlkhat in ciamnuihbawl zahpihbawl uhhi.
Melbourne khuasung aom Traffic Light te ah pasallim niktual atengkhat tuangsakleng acitawh…
Gender Equity cihpen hih lim laihna hangin bangzahciang phattuamna piading hiam aci tawh…
Sum tampi beiliang in aomsa akizangtheilai Pedsetrian Traffic Lights te numeilim tawh laihliang sangin tua sumte amundang akisapzawkna, athupit zawkna mun ah kizangleh hoihzawlo hiam acitawh…
Ahi zongin Victoria State’s Minister for Women pan Fiona Richardson akici numeinu inbel thukimpih mahmah a, Pedsetrian Traffic Lights ah numeilim tawh akilaihpen hoihsa mahmah hi. Numei tepen aneuno cik ahi zongin aki nusiat bawlna, Public Space panin aki helkhaklohna uh tampi om cihi.
More: Leitungbup Numeite Ni ~ Julia Man Ngaih Hau
Pedsetrian Crossing Lights tepen pasallim bek koihtheiding cih omtuan ahiam? Aneuno munkhatpeuh ah pasal vive ki masak ahih manin ki ngeina sehin, innkuansung buaina nangawn ah numei te’n atamzaw thuaklawh uhhi. Numei khempeuh adingin Gender Equality aom nadingin kisem dinghi ci’n genkhia hi. ZD Sawltak #zomidaily
Comment piaknop aomleh...