USA, Tulsa pan Nu Niang Khan Mang (Lailo, Gualnam) in hongnusia

USA, Tulsa pan Nu Niang Khan Mang (Lailo, Gualnam) in hongnusia

Mangpha Nu Niang Khan Mang @ Mang Nu (Kum 50) Gualnam Beh – Lailo khuami Tulsa, Oklahoma State aa ateng Pa Peter Thang Sawm Lian ii Zi, Nu Niang Khan Mang @ Mang Nu in abeisa October 7, 2021 in Cancer natna tawh hongnusia chih thu izak man in ZIUSA kipawlna mintawh dahpihna i pulak hi.

Nu Mang Nu pen Zomi te kipawlkhopna Zomi Innkuan Oklahmoma ah member khat leh ZIUSA Genvai member pom ni 1/31/2015 pan active member khat ahih manin thumeilet/policy zuiin (100%) Death Benefit $15000 kipiakhia dinga paakkual $150 man khat tawh zong mangpha khakna kinei ding hi.

Nu Mang Nu luanghawm tawh anunungpen hunzatkhop ding hong tungding Monday October 11, 2021 12:00pm in (FEMC) pawlpi makaihna tawh, Calvary Cemetery Funeral Home Chapel ah Funeral Service bawl khit ciang, Rev.Dr. Cin Khaw Kham in vuina nei ding hi.

Nu Mang Nu hong nusiatna hang adahakap alungleng khuangai tanau meltheih khem peuh hehnemsiampa Kha Siangtho in alamdangin hong hehnem ciatta hen! Dahpihna Lianpitawh, Mun Mang (Secretary of Genvai, Zomi Innkuan USA, Inc.)

Far East Mission Church

Ih Pawlpi in ih it mahmah WM makai, (Nu Niang’ Khan Mang@Mangnu Kum-50) tawh Pawlpi hun gelna te:

1. Friday: 7:00p.m FEMC Biakinn
2. Sunday: 6:00p.m FEMC Biakinn
3. Monday: Sihvui hun geelna
– A hun:12:00p.m
– A mun: Calvary Cemetery
Funeral Home Chapel
3612 E 91st St S
Tulsa OK 74136