North Korea inzong agampan in Malaysian Ambassador hawlkhiatna pia

North Korea inzong agampan in Malaysian Ambassador hawlkhiatna pia

Malaysia kumpi in Kuala Lumpur khuasung aom North Korea Embassy ah Ambassador asem laitak ahi Kang Chol pen hawlkhiatna “as persona non grata” (person not appreciated) piamawk ahih manin, North Korea te lungkim hetlo uhhi.

North Korea inzong athuhkikna in amau gamsung ah Malaysia Embassy ah Ambassador asem laitak ahi Mohamad Nizan Mohamad pen persona non grata ci’n tangkona neikhia uh a, Sunday 10am pan kipan nai 48 sungin agampan aki hepkhiat nadingin thupia uh cih KCNA News Agency in genkhia hi.

Ahi zongin Malaysia te Ambassador Mohamad Nizan Mohamad pen North Korea in hawlkhiatna apiakmapek February 22 nipek in Malaysia aciahkhin ahihi. Kim Jong Nam ki suamlupna vaitawh gamnih buaina hongkipat litlit ciangin Malaysia kumpi in Ambassador Mohamad Nizan Mohamad pen kuppihnop om ahih manin Malaysia ah aciahkik dingin asapkhit uh ahihi.

Malaysia Ministry of Foreign Affair’s Deputy Secretary General Raja Nurshirwan ii genkhiatna ah North Korea in Ambassador Mohamad Nizan Mohamad pen agampan ciahkhiatding thu apiakpen amanmah hi. Ahi zongin amau ii hawlkhiatna apiakmapek in Ambassador papen hongciahkhiakhin hizaw a, hihpen North Korea ii hawlkhiat in ciaptehding hilozaw a, Malaysia kumpi in asapkik cihin ciaptehding hizaw hi ci’n genkhia hi.

More: Malaysia pan hawlkhiat athuak North Korean Ambassador ciahkhia takpita

North Korea te sangin Malaysia kumpi te akhuak uh taizawleh kilawm hi 🙂 Malaysia gamsung aom North Korea te Ambassador pabel nai 48 sungin ki hepkhiatding cih himawk ahih manin, zanni nitaklam in bunglebeng in lengkhia vingveng takpi khinhi. ZD Sawltak #zomidaily