Nisa thuakleh avun kokkhia in si aluang ahehpihhuai mahmah numeino

Nisa thuakleh avun kokkhia in si aluang ahehpihhuai mahmah numeino

India gamsung ah numeino khat nisa in avun akapkhak ciangin si luangkhia cimawk hi. Tua numeino ii avun pen gultawh kibangin pawlbialbual ahih manin, aki kobawlna in “Snake Girl” peuh kicihsan sawnsawn hi.

Tua numeino ii aminpen Vedika Gupta kici a, amahpen kum 13 bek aphapan khat ahihi. India, Indore khuasung ah aom uh hi a, damlohna namkhat hangin avun thakgawp “genetic disorder ichthyosis” ahih manin, innsung ah ki koihcip denzaw hi.

Midang ka khangual te alawm agual tetawh gualnuamtak in akimawh uh gal et in ka engmahmah hi. Banghang in hicibang kamsiatna thuakkha sese kahihiam, Pasian in banghangin hihbangin gawtna hongpia ahidiam, bang mawhna neikha kahidiam ci’n keilekei kaki dongthei zelzel hi ci’n genkhia hi.

Doctors tuamtuam tawh kilak kawikawi in, ahi zongin adamsiang dingin abawlsakthei kuamah omlo hi. Avun akeucip gawploh nadingin anuhding Body Lotion khawngpeuh kipia in, tuabang peuhmah aki naamtaktak ahihi.

Ahi zongin hih numeino tawh akibang midangte anatna kibawlthei cih azakkhak uhciangin Vedika Gupta te innkuan inzong akibawlzawh nading uh lunggulh mahmah uhhi.

Vun akeucipgawp, athakgawp natna namkhat ahi ichthyosis pen nam 20 bang om kici a, UK gamsung ahzong kumkhat sungah naupang 3 ciangbang tuabang natna angahkha omthei cihi.

Vedika Gupta pen khuasung vakkhia in, nisa in kapkha hileh avunte akanggawp bangdanin thuaklah mahmah cihi. Tuakhit ciangin avun te kokkhia in, siluang sawnsawn hi.

More: Kum 26 aphapan numeikhat avun guaigawp in piteek tawh kibang, Model sepsawm

Tua ahih manin, amahpen innsung ah amahguak aomcip hun tamzaw a, TV en, limsuai, laisim cihbangtawh anuntakna ahun manpha te beisak hi.

Vedika Gupta pen midang naupang te bangdan in adamsiangthei keizongin alang (50%) beek noptuam leh cih lunggulh mahmah a, huhna aki zonsak laitak cih Media Drum World pan kiza hi. Sawltak #zomidaily