Nipi Ni (Sunday) ~ Evan. Suang Dal
Kaal khat sunga ni masa pen ni pen Sunday kici a, Zomi te in Nipi ni ih ci hi. Sunday is the first day of the weeks ci-in ih gengen khin hi. Monday pen ni nih ni hi zaw hi. Friday pen ni guk ni hi a, Mark 15: 42na ah “…it was the Preparation Day, that is, the day before the Sabbath…” na ci hi. Topa Jesuh pen ni guk ni ahi, tua Friday ni-in si hi.
A sih hun pen John 19: 14na ah “the sixth hours” sunkim laitak na ci a, Mk. 15: 25na ah bel “the third hours”, nai 9am laitak ahi hi, na ci hi (Matt. 27: 62; Mk. 15: 42; Lk.23: 54; Jn. 18:28, 39). Friday ni in Jesuh si a, Saturday (Sabbath) ni in han sungah kisial lai a, a zingciang (the so called Sunday) ni-in thokik ahih manin Nipi ni ih ci a, Monday pen Nipi khuavak kici pah hi.
Sabbath ni ahi, Saturday ni pen thupi mahmah hi. Tua ni in Jesuh ong tho leh thupi kan lai ding hi napin ong tho lo-in a zingciang Sunday ni-in ong tho se citciat a, tua ong thawhkik ni pen thupi zaw kan lai ahih manin, Christian te in tua ni pen Nipi ni kikhop ni in a kizang ahi hi. Hih Sabbath ni in ong tho leh nial nading omlo a, ahi zongin Sabbath ni in Topa tho lo hi. Hi mah taleh Sabbath (Saturday) ni zong ih phawk veve a, thupi ih sa veve hi.
SDA te adingin Friday ni pen kigin ni hi a, thawhkikna a bulphuh Christian te adingin amau Sabbath ni pen kigin ni (Saturday) ong suak hi. Banghang hiam cih leh kaal khat sunga ni masa pen ni-in Jesuh ong thawhkikna hang ahi hi (Mark 16: 9). Calendar na en in. Ni sagih ni pen Saturday hi a, tua ni pen Sabbath ni ahi hi. Saturday-Sabbath-Seventh Day a kibang hi. Christian te adingin Sabbath ni pen kigin ni ong suaka, thawhkik ni, Sunday ni, Topa’ ni pen Nipi ni ong suak hi.
Luke 23: 54na ah, tua ni pen Nipi zawh ni nga ni hi a, Sabbath ni hong hi dekta hi, na ci hi. Mark 15: 42na ah, tua ni pen Sabbath ni ma, kigin ni ahih manin ci-in na gelh hi. Jesuh a sih zawh teh kivui pah a, tua a kivui ni pen ni guk ni Friday ni ahi hi. Sunday Nipi khit zawh Monday ni a kipan sim toh, nipi zawh ni nga ni cih pen Friday ni ahi hi. Calendar en lehang Sunday ni pen kaal khat sungah ni masa pen ni hi a, tua zawh ni nga sim to lehang Friday ni pen ni guk ni ong hi hamtang ding hi. Ni guk ni in Jesuh si a, ni sagih ni-in han sungah lumlai a, a ni thumna ahi, Zawmah minvawh Sunday a kici kaal khat sunga ni masa pen ni in Topa Jesuh ong thokik a, tua thawhkikna thu in leitung taangthu kikhel sak hi.
Sabbath nam 4 (Four distinct stages of Sabbath revelation): Tuate in Piansakna Sabbath, Paikhiatna Sabbath (Paikhiatna 20: 8-Thuhilhkikna 5: 12-15), le Thawhkik Sabbath, a tawpna Sabbath (Heb. 4: 9) ci-in khenpi nih in kikhen a, a masa khenpi nihte in Thuciam masa bulhphuh a, a nunung nihte gel pen Thuciam Thak pan ahi hi. Ih phawk dingah, Thuciam thak (NT) adingin Thuciam masa (OT) pen kiginkholhna (preparation) ahih mah bangin, thuciam Thak (NT) pen thuciam masa (OT) ahong tangtunna (fulfillment) hi a, Christian te in Thuciam masa (OT) pen Thuciam thak (NT) khuavak tawh kikhia-in kipomin ki-um hi.
Theih dingah, Sabbath pi taktak ahi Jesuh tawh nuntak tawntung khop nading ahi, tua hehpihna hang a upna tawh ih ngak Sabbath pi pen ih lamet hi lai phot hi. Tua ahi manin Jesuh a um peuhpeuh adingin tua a nunung pen Sabbath kongpi kihong lai hi (Hebrews. 4: 9). Evan. Suang Dal
Comment piaknop aomleh...