Mexico gamsung ah 8.1 Magnitude thahatna tawh zinling in mi 32 si

Mexico gamsung ah 8.1 Magnitude thahatna tawh zinling in mi 32 si

Mexico gamsung ah Thursday nitaklam in 8.1 Magnitude hatna tawh nasiatak in zinlingmawk ahih manin mi 32 takin sihlawh cih Reuters pan kiza hi. Hih zinlingpen Magnitude 8.1 hi a, Mexico gamsung ah zinling akhauhpenpen zong hipah hi.

Kumpi thunei te genna ah inn Building te kisiagawp, khaangkhamgawp in, Tsunami neukhat piangman ci uhhi.

1985 kumin Mexico City sungah khatvei nasiatak in zin lingngei a, ahi zongin tutung zinlingpen khauhzawpekpek kici hi. Zinling akhauhzawk hangin asia pen tawmzaw cikik bilbel hi.

Hih zinling pen Southern Mexico sungteng hiphadiak a, Building pawlkhatte limsiat mahmah hi. Oaxaca State sung aom Juchitan Town kici khuasung ah Town Hall, Hotel, Bar leh adang Building honkhat naksiat mahmah cihi.

State Governor Alejandro Murat in agenkhiatna ah Oaxaca sungah misi 23 phakhin a, tualak ah misi 17 tepen Juchintan khuasungpan ahihi ci’n genkhia hi.

Emergency Services panin Spokesman khat ii genkhiatna ah Chiapas State tawh akinai khuasung panin misi pen akigawm in 7 bang om cihi. Tabasco Governor Arturo Nunez inzong ama State sungah naupang 2 in sihlawh cihi.

U.S. Geological Survey (USGS) te genkhiatna ah Magnitude 8.1 tawh zin aling ii Epicenter pen Pacific Ocean pan hongkipan cihi.

Related: Mexico khuasung meileng tutna pawlkhat te pasal pumpi bangdan in kibawl

Rescue Workers te’n inn kicimte sungah a awkcip, aliam abai aomkhahiam ci’n azan azan in zongpah ngekngek uhhi. Mexico City Airport zong sukha in, Windows ah akithuah maan tezong kitamgawp in, mi Million khatbang in cimawh dongtuak in om uh cih kiza hi. Sawltak #zomidaily