Nigeria gamah Suicide Bomb sukhamding in numei kizang

Nigeria gamah Suicide Bomb sukhamding in numei kizang

Nigeria gamah Sunday ni in numei nih in amau nuntakna piakhia in Suicide Bomb puakkhamsak uh cih BBC News in genkhia hi. Hih Suicide Bomb puakkhapna hangin mi 4 sipah a, adang mi 10 val zong liam uh cihi.

Hih Bomb puahkhapna ah amu khatin BBC te kiangah agenkhiatna ah “Bomb khat puaktam masa a, tua mun ah aliam abai te akihuh liailiai laitak in adang Bomb khat puaktam leuleu hi” ci in genkhia hi.

Hih Suicide Bomb kitapna pan misi leh cina te akem Doctor pa in agenkhiatna ah hih Bomb apuakkhamsak a, anuntakna apiakhia numei tepen kum 20 gualbek hipan dinghi cimawk hi. Saturday ni inzong Maiduguri acihna khua ah numeino kum 10 aphapan khat ii pumpi tungpan in Bomb puakkham ami 19 si cimawk hi.

Security Official te genkhiatna ah hih Bomb tepen agamla panin Remote Control tawh aki puakkhamsak hi ci uhhi. Bomb apuakkham masa pen azakciang in anihna Bomb apuanu patau gawpin lauthawngkawm in ataileh ama Bomb zong kitam in amahzong silawh veve hi.

Hih Bomb asukham kua cih akitheihcian lohhang in Islamist Group te mah ki ummawh hi.

Tua hi a, hih Bomb sukkhamding in azat numei te uhpen amau ut hihtuak masalo a, zawhthawh thutawh azat uh hihtuakmawk ahih manin mulkimhuai leh lungkhamhuai mahmah hi. ZD Sawltak