Ni 10 bek aphapan naupang khat lamgei ah lai khattawh kinusia

Ni 10 bek aphapan naupang khat lamgei ah lai khattawh kinusia

Yangon, Bahan Township sungah naupang asuahzawh ni 10 bek aphapan khat lampi gei ah kinusia cihi. Naupang tawh lai khat ki nusiakhawm in, tua laisung ah “26 November 2016, Sun 11:45am, Saturday ni suak numei hi. Hehpihna tawh honghuh un, hong thum ing” cih Kawllai tawh akigelh khat ki nusiakhawm cihi.

Hih naupang pen December 05 ni in, Bahan Township sung aom Shwe Taungkya kici mihau te teenna sungah veng hausapa in zingsang lamsiau in apaina panin amuhkhiat kici hi.

Puantawh akitun vankhat mu in, aphelkhiat leh asung ah naupang leh laidal khat aki nusiakhawm mukhia hi.

Naupang kimuhna geipen Kindergarden sanginn khattawh kinai ahih manin tuate zasak a, tuapan in thunei te huhna tawh Yankin naupang zato ah kipuak in kikem cih kiza hi.

More: US in Japan te tui a tumtheilo vanleng puakna kisam

Yankin Police Station panin hihbang in naupang leh lai anusia kua hidinghiam cih akansan laitak uh ahihi. ZD Sawltak #zomidaily