Ngapali Beach Hotel khat Licence neilopi in kihong

Ngapali Beach Hotel khat Licence neilopi in kihong

Kawlgam Ngapali Beach aom 4 Stars Hotel khat ahi Merciel Resort and Retreat Hotel kici pen kum tampisung Licence neilopi in akihonghong hi cihthu Rakhine State ii “Regional Minister for Finance, Revenue and Economics” U Kyaw Aye Thein in genkhia cih Irrawaddy pan kizasawn hi.

Hih Merciel Resort and Retreat Hotel pen Yangon aom Businessman khat ahi U Nyo Min kicipa ii neihsa ahihi. Ngapali aomte genkhiatna ah hih Hotel pen aki honzawh kum 4 bang phading hita ci a, tuasung khempeuh Licence neilo, phalna omlopi in ahonghong nahihtuak mawk hi.

Merciel Hotel sungah lupna 42 om a, aminthang mawhlo khat ahihi. Hotel nasem khat ii genkhiatna ah nungkum in Licence ngetna kibawl cih kazak uhhang in Myanmar Tourism Ministry tungpan in phalna ngahlo cihi. Hih Hotel ah Manager U Kyaw Kyaw Thwin leh aneipa U Nyo Min tezong hih Licence vai akidot hangin bangmah Comment pianuamlo uh cihi.

Hotel Licence ngahtheih nadingin Myanmar Tourism Law tawh kituak in Investors te’n asep abawl uh kul hi. Khuasung mite phalna, Local Administration te phalna, Township Departments leh Regional Minister te phalna cihte tawh Licence ngetna bawlkul hi. Tuakhit ciangin anunung ah Final Approval pen Naypyidaw aom Union Ministry of Hotels and Tourism panki kipia theipan hi.

Naypyidaw aom Ministry of Hotels and Tourism panin Deputy Director U Kaung Tun kiangah Irrawaddy pan Phone Interview abawl uh ciangin hihvaitawh kisai pen Union Level ah Complaints bangmah omlo, ki ngahkhalo cihi. Kawlgam sungah Licence aomloh hangin Hotel leh Resort khawng kihonghong theilai hileh kilawm hi. ZD Sawltak #zomidaily