New Zealand gamah ka muhthu te leh lamdang ka sakte

New Zealand gamah ka muhthu te leh lamdang ka sakte

1, New Zeland gammi sang in Tuu le bawng te tamzaw hi.

2, Tuu te pen Ui 3 bang in Cing in, inn ah hawl thei uhhi. Gan hing leh ganhing ki cing sak uhhi.

3. Tulai tak New Zealand Kumpi pen numei hi a, kum 37 pha pan hi, A minpen Jacinda Ardern hi a, July 26 1980 kum in suakhi. Tu ciang2 leitungbup ah Kumpi a sem numei lakpan a Kum a tawmpen a hihi. Tulai tak tacil nausuak ding in kal 6 sung a khuan ngen hi. Naupaii. June 21

4. New Zealand gampen Tuipi le Tuikulh tung ah a om hi a, India Tuipi, Pacific Tuipi-in umcih hi.

5. Mawtaw nailang tuang khin leng tuipi ki tuakden hi. Gam dang ah tai nang leitang om lo hi. Tuipi bek2 in um cihhi.

6. New Zealand Kumpi zum te ki hawh thei a, ki en thei hi, Sum ki la lo a, nasem te in a sung a om teng hong gen uhhi. Leitung bup ah Kumpi te zumpi a sung a ki hawh thei a mau bek hi ding hi. Kei zong va hawh hing a sungah.

7. New Zealand gam pen leitungbup ah ni a suak masa pen2 gam hi a, nisuak en ding bek2 in leitung kiu li pan ki hawh hi.

8. New Zealand gam pen a neu mah2 hang leitung gam 10 a khang to ah ki hel den hi.

9. New Zealand gam pen a neu mah2 hang VISA haksa mah2 a,Bangkok ah Visa ki siau hi, New Zealand Vanleng tualpan i puu suah ciangin Van le na te Ui pil te in mun 3 ah hong sit uhhi, Puu suah ding zong haksa peuh mah a, ei gam pan in nek le dawn, khaici te ki pua thei vetlo hi.

10. Leitung bup ah Zinling a tam pen na ngam hi a, meimual zong phuak kham zel hi.

11,Pa te nipen September kha nipi masa ni ta in bawlden uh a, tukum 2018 zong September 02 Sunday ni a gambup un bawl ding uhhi.

12. New Zealand gam June pan August kha pen phalbi hi a, leitung gamdang te khua hun tawh ki lumlet linlian hi. Phalbi ciang a mau kiang ah guah zu hi.

13. New Zealand gam pan in gam dang sum khak ding haksa peuh mah hi.

14.New Zealand gam ah ka omlai tak in World Cup 2018 Russia ah a ki suih laitak tawh ki tuak sese hi.

15. New Zealand gam ah ka omlai tak in USA kumpi pa le North Korea Kumpi pa ki muhkhop ni hi sese hi., 12 June 2018 Singapore ah.

16. New Zealand gam ah ka omlai takin England Kumpinu Elizabeth tupa Prince Harry leh USA mintami (Actress) Meghan Markle’s te ki ten ni 19 May 2018 hi sese hi.

17. New Zealand Kumpi nu Jacinda Ardern in nau suak ding in a khuan a lak tawh ki tuak sese hi.

18. Leitung bup ah numei thuneihna ana a tam na pen, a ki zat na pen na gam a hihi.

19. England Kumpinu in Canada, Singapore, Australia, le New Zeland te pen 100%30 a ma thuneih na tawh uk lai hi. 100%30 pen England Kumpinu vai hawm na hi lai hi.

20. New Zealand gambup pen singkung lopa nimdildiai in engdikdek hi, Tuipi gei te ah om na khawl na hoih tak in ki bawl hi.

21. New Zealand gam ah Gul om vetlo hi. Gamdang pan gul apuak uh hang nungta zo lo hi. Gul lauh ding omlo hi.

22. New Zealand gam pen Zogam mah bang in ken le guam, mualtung tam mah2 hi. Sum hau te Mualtung ah teng uh a, a hau lo te zangsung le gunpaang kim teng ah teng uhhi. Mualsang te a deihbang un tokhia uh a, a utdandan un leitang bawl uhhi.

23. Tangteuh, Aikam, Gulcii, Keeng (U Keeng) Lingkhaw, Phailang, Miksi, Miksisan, Innhik, Innlawi, Namsia; Taang, Lingkhaw; etc cih te zong omlo hi. Agu nei ganhing lim2 omlo hi.

24. New Zealand te in Palik (Police) College a tuam in nei uhhi Sangdang le College te tawh gawmkhawm lo uhhi.

25. New Zealand gam pen leitung i ki pat na hi a, Leitung gamlim pua lam ah om hi. A hang pen Tuipi le Tuikulh tung ah om hi.

26. Nisuah kipat na hi na pin vukkhal, vukmual omveve a; vukzong kia hi.

27. Naungek a suah khit zawh lian leh a khetul pan in a sisan tak 3,4,5 la khia in, natna sitpah uhhi. Naungek tung ah natna zongpah uhhi.

28. Zangkong ah New Zealand Visa a ki piak loh mah bang in New Zealand gam ah zong Kawlgam zumpi (Embassy, tanzum) om lo hi. A mau tawh a kinai pen Australia ah siau uhhi.

29. New Zealand gamah kua mah in kawllukhu khulo, zanglo uhhi. Tulaitak bang phalbi leh tukguah a ki thuah khoplai tak hi na pi- in kua man kawllukhu khulo in guahlak dailak ah paigawp, thuaklel uhhi.Khuadamlua guahlah zu.

30. New Zealand gam ah Bawngcing leh Tuu cing te pen ganhing siavuan a zote bek in cing thei uhhi.

31. Bawng leh Tuu a khawi te in a tawmpen tul 1 tunglam nei uha, a tam khawi te in teng 4 nuai khàwilo uhhi.

32. New Zealand pen Tuipi in a lai zang pan khenkham in, khat veivei tuipi in a gam uh gawm kik zel hi. Tuipi in heikawi2 hi.

More: EU gam (Uzawpah) ah lamdang kasak deuh te

33. Leitung bup ah KIWI a ki ci va te pen New Zealand gam bek ah om uha, New Zealand gam mi te pen Kiwi ki ci hi. A gambup uh zong Kiwi vasa le singteh tawh ki ciamteh uhhi. Hih a nuai ah KIWI cih vasa na en in lawm aw.

34. New Zealand gam te in Pyne (State) cih bang neilo uhhi. Khuapi cih leh South, North cih bek tawh ciamteh uhhi.

34. Nausuah nangmun a tuam2 tel thei uhhi. Innsung, Pakhuan, Tuikuangsung,Tuipigei, Zato, Inn, le etc, nausuak ding nu ut nana telsak uhhi. Joseph Pau Ngaihte