Malaysia gamsung ah nausuakding te’n atheihhuai Poliklinik Ikhwan

Malaysia gamsungah zato kahman akhangawpzawh cina damlo, nausuakding cihbang buaina khatpeuh aom ciangin kibuai mahmah hi.

Hospital atamzaw in gamdangmi ahihnak leh Deposit RM3000 pan RM5000 kikalbang ngenmasa uh a, tuazawh ihnei keileh cina in agim mahmah zongin zato lumsaklomawk uhhi.

Nausuakding takpi zong tuabangmah in Deposit tampi honggen masa uhhi. Ahi zongin Poliklinik Ikhwan ah RM1500 tawh nau kisuakthei cih ACTS Clinic pan kiza hi. UN Card aneite bekthamlo, UN Card aneilo tezong kisuakthei cihi. Nausuak bekthamlo, nausuaklai Birth Certificate zong hong lakpihpah dinguh cisawnsawn ahih manin lungdamhuai hi.

Poliklinik Ikhwan cihpen Clinic hi a, amau kiangah pongman in asuakte buaina omlo cihi. Azenzen in at kul, Surgery bawlkul ahihleh Hospital Sungai Buloh ah hong puaksakding “Refer” ding uh a, RM500 khawng beithuah theiding cihi.

Tua nausuah theihna Clinic Address pen anuai abang ahihi:

• POLIKLINIK IKHWAN
• No.21-G , Jln Desa 9/4,
• Bandar Country Homes
• 48000 Rawang, Selangor Darul Ehsan
• Tel: 019-378 4337

Hihvai tawh kisai in theihbehnop, telbehnop aomleh ACTS Clinic ahih keileh Zomi te kipawlkhopna Community zumkhatpeuh ahzong ki dotbehthei khading hi.

ACTS Clinic kikhakding

Malaysia gamsung aom ACTS Clinic pen Hari Raya pawisung ninih kikhakding hi. Aki khakding ni te:

25 June 2017 (Sunday) & 26 June 2017 (Monday)

Nausuahna Clinic vai ahi zongin, ACTC Clinic kikhak niding te ahi zongin nalawm nagual, meltheih tanau te naki hilhsawn un. Sawltak #zomidaily

Note: UNHCR zumpi zong Hari Raja pawisung June 26 (Monday) leh June 27 (Tuesday) kikhak dinghi.