Nausuakding tawh Photo akizaih Doctor kua himawk hiam?

Nausuakding tawh Photo akizaih Doctor kua himawk hiam?

Nausuakding in akithawi akiginglua kisa akalka lela laitak khattawh Doctor khat Photo akizaihna Online tungah ki suaksakmawk ahih manin tulaitak hivai pen minthang mahmah hi. Tuabang in Nausuakding te omna Labour Room sungah Photo kizaihbek thamlo, nausuakding ii azahmawh dawksak zawzenpen kua cih Malaysia Health Department in kancian khiading cih the Star News pan kiza hi.

Hihvai pen Johor aom zato khat ah thupiang hihtuak a, Johor Health Department inzong hivai kankhin uh cihi.

Accident in akizaih khavat cihbang hihtuaklo a, ki limginlua kisa akhutbang “Peace Sign” nalak velval a, ahi zongin anungah nausuakding nu ii akalkuam teng dawkmawk ahih manin, mipi in hih Doctor pen mawhsak mahmah uhhi.

Hih Photo pen “Kerabu Bersuara Group’s Facebook Page” ah hongki suaksak masa kici a, tuakhit akipan Facebook tungah kizelgawppah hi.

Johor Health and Environment Committee Chairman Datuk Ayub Rahmat ii genkhiatna ah hihvai tawh kisai kikancian khin a, Doctor kuahiam cihleh bang Hospital panhiam cihzong theikhin ung cihi.

Hih Selfie Photo akizaih pen kum 20 khawng aphapan Doctor khat cihciang kizaphot a, hih agamtatna hangin bang mawhna dan kipiading cih kizakbeh nailo hi.

Hih thuthang tungtawn in eizong Online bangci bangin ihzanghiam? Facebook leh Online tuamtuam ah ih Photo koihte bang ngimna (Intention) tawh ihkoihhiam cih limtak ngaihsutphat huai mahmah hi. ZD Sawltak #zomidaily