Malaysia, Ipoh khuasung aom cikimek ciang akizang lupna “Massage Bed” khatah naupangno khat alu nakhumkha in, lakhiathei paklo cih NST pan kiza hi.
Tua naupangno pen kum 3 bek aphapan khat hi a, numeino khat ahihi. Tuni zingsanglam in Massage Bed akici, cikimek ciangin mai ngapsukna ah alu nahencikkha citciat sese hi.
Fire and Rescue Department spokesman khat ii genna ah zingsanglam 11:17am hunpawl in cimawh huhngetna Distress Call hongkisam cihi. Taman Ros Pasir Puteh, Jalan Temenggong aom Massage Parlour khatah thupiang hi a, naupangpen alu nailang sungbang awkcipman cihi.
Firefighter te’n PVC Massage Bed pen temta leh temteh zangin attan khia uh a, tuaciang in naupang ii alu pen ki lakhiakik theipan cihi. Kamphatna lianpi tawh tua naupangno pen bangmah liamna omlo hi.
Related: Ipoh ah mawtaw pailai singkung in dengkha in nupi khat si, adang mi 2 liam
Athu aki kanbehna ah anu pen cikimeksak “Massage” in apai hi a, atanu pen amahguak kimawlmawl in, anunung ah alupen Massage Bed ii avangsung ah na hentokha in, ki kaikhiathei nawnlo cimawk hi. Sawltak #zomidaily
Comment piaknop aomleh...