Naupangno khat anukik in zawhthawh thutawh tuisa dawnsak in, amuk kangdeugawp

Naupangno khat anukik in zawhthawh thutawh tuisa dawnsak in, amuk kangdeugawp

Malaysia, Negeri Sembilan State sung aom Lenggeng khuasung ah numeino khat anukik “Stepmother” in tuisa dawnsak ahih manin, akam amukteng kangdeugawp cih NST pan kiza hi. Nungkal Monday ni in anukik in tuisa mawkmawkzong ahilo, tuisol velvel “boilding hot water” pen zawhthawh thutawh adawnsak cimawk hi.

Hih numeino pen tankhat “Standard One” akah laitak ahihi. Anu leh apa kikhen in, apa in zikik neihi. Ahi zongin amau unaupen apa leh anukik tawh omkhawm uhhi.

Numeino ii anu taktakpen in atate tetawh kithuahkhawm dingin ani te innpanin alak ciangin hihbang in anukik in tuisa zawhthawh thutawh adawnsakna hangin amuk akatlam ki theikhiapan hi.

Anu taktak penin agenna ah ka tanu tawh Weekend hunzangding in kavadawn ciangin amuk akatdeulam katheipan hi. Tuaciang in bang nacihna hiam ci’n kadot ciangin ka nukik in zawhthawh thutawh tuisa asol velvel hong dawnsak cihi ci’n anu taktakpenin genkhia hi. Tua numeino pen Kuala Lumpur Hospital sung aom naupang zato Pediatric Unit ah kilumsak hi.

Numeino ii anutaktak pen biakna sangsia “Religious Teacher” khat hi a, numeino ii anukik in hihzahliang in gamtat asiading in ka ummawh khakei cihi. Tuabang in atanu tuisa adawnsakna hangin amuk akatlam atheih ciangin Police Report bawlpah hi.

Hihte nupa pen 2011 kumin akikhen uh hi a, ta 4 aneihkhit uhciangin nupa akikhen uh ahihi. Akikhen laitak in anu in nasep kician neilo, sumlepaai hamsatna hangtawh thunei te’n atate pen apa kiangah kemsak uhhi.

Apa in 2016 kumciangin zikik nei a, anukik un naupangte pen itlo in bawlsia mahmah cihi.

More: US, Tennessee nupa kopkhat in kha 5 aphapan ata uh $3000 tawh Online pan zuaksawm

Hihvai tawh kisai in Dang Wangi District Police Chief Assistant Commissioner Shaharudin Abdullah inzong naupangno ii anu in Police Report hongbawl mahhi ci’n genkhia hi. Ahi zongin tua Police Report pen Nilai Police te tungah ki apsawn in, tuapanin athu kancianna kineiding hi ci’n genkhia hi.

Leitung ah nukik aneikha te lakah nuam asapen ki tamgen lualomawk hi. Sawltak #zomidaily